रायगडः जिल्ह्यात मोठा अपघात झाला आहे. वऱ्हाडाचा टेम्पो ३०० फूट खोल दरीत कोसळ्याने ( ) भीषण अपघात झाला आहे. या घटनेत २ जणांचा मृत्यू झाल्याची प्राथमिक माहिती आहे. तर टेम्पोतील ६५ जण जखमी झाले आहेत. चालकाचे नियंत्रण सुटल्याने हा अपघात झाल्याचं सांगण्यात येतंय. लग्नावरून परतत असताना हा अपघात झाला.
रत्नागिरी येथून पोलादपूरला वऱ्हाडाचा हा टेम्पो जात होता. कुडपान येथे आल्यावर हा टेम्पो ३०० फूट खोल दरीत कोसळला. संध्याकाळी सहा वाजेच्या सुमारास हा अपघात झाल्याचं सांगण्यात येतंय. या घटनेत २ जणांचा मृतदेह झाल्याची प्राथमिक माहिती आहे. तर जखमी ६५ जखणांपैकी ३४ जण गंभीर जखमी आहेत. बाकीचे किरकोळ जखमी आहेत. जखमींना पोलादपूरच्या ग्रामीण रुग्णालयात दाखल करण्यात आलं आहे.
दरीतून जखमींना बाहेर काढण्याचे प्रयत्न सुरू होते. पोलादपूर पोलिस आणि ट्रेकर्सकडून बचावकार्य सुरू आहे.
Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times
