नुसरत आणि यांचे संबंध गेल्या काही दिवसांपासून चर्चेत आले आहेत. दरम्यान, नुसरतने एका मुलाखतीत म्हटलं आहे की, तिच्या वैयक्तिक आयुष्याबद्दल सार्वजनिकरित्या कोणीही बोलू नये. नुसरत म्हणाली की लोक नेहमीच तिला लक्ष्य करतात म्हणूनच तिला या विषयावर काहीच बोलायचं नाही.
नुसरतला तिच्या वैयक्तिक आयुष्याविषयी सध्या तरी काहीच बोलायचं नाही. तिचं खासगी आयुष्य चांगलं असो की वाईट तिला यावर कोणतंच भाष्य करायचं नाही, असं नुसरत जहांने स्पष्ट केलं. एवढंच नाही तर नुसरतसोबतच्या नात्यावर यशनेही आपली प्रतिक्रिया दिली. यश म्हणाला की, ‘नुसरतच्या वैयक्तिक आयुष्यात काय चाललं आहे याबद्दल त्याला काहीच माहीत नाही. राजस्थानमध्ये कोणीही ट्रीपला जाऊ शकतं. पण जर नुसरतच्या खासगी आयुष्याबद्दल काही विचारायचं असेल तर ते तिलाच विचारलं जावं.’
दरम्यान, अनेक महिने एकमेकांना डेट केल्यानंतर नुसरतने १९ जून २०१९ रोजी तुर्कस्तानात निखिल जैन याच्याशी लग्न केलं. या लग्नानंतर नुसरत सिंदूर लावून हिंदू प्रथा पाळू लागली. तिच्या या कृतीमुळे नुसरत जहां अनेकदा मुस्लिम कट्टरपंथींच्या निशाण्यावर देखील आली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
