घरगुती हिंसाचाराबद्दल प्रीतीने सोशल मीडियावर अनेक ट्वीट केले आहेत. यापूर्वी तिने मुंबई पोलिसांकडे तक्रार दाखल केली होती पण अभिजीत विरोधात कोणतीही कारवाई झाली नाही. यानंतर तिने मुख्यमंत्री उद्धव ठाकरे आणि पीएमओ यांना टॅग करून यासंबंधी मदत करण्याची विनंतीही केली होती. या प्रकरणात मिळालेल्या ताज्या माहितीनुसार आता खडकपाडा कल्याण पोलिसांनी प्रितीच्या तक्रारीवरून पतीविरूद्ध गुन्हा दाखल केला आहे.
प्रीती तलरेजाने सोशल मीडियावर अनेक फोटो शेअर केले. यात तिच्या चेहऱ्यावर मारहाण केल्याच्या खुणा स्पष्ट दिसत आहेत. प्रितीच्या एफआयआरची एक प्रत सुनैना होले यांनी शेअर केली आहे. तसंच भाजप नेते देवेंद्र फडणवीस आणि किरीट सौमैया यांनी मदत केल्याबद्दल त्यांचे आभारही मानले आहेत.
काय आहे संपूर्ण प्रकरण
तीन वर्षांपूर्वी प्रितीने अभिजीत पेटकरशी लग्न केलं. अभिजित हा एका जिमचा मालक आहे. आपल्या सोशल मीडियावरील पोस्टमध्ये प्रितीने लिहिले की अभिजीत मुस्लिम धर्माचा आहे. दोघांचं लग्न मशिदीत झालं होतं. प्रितीने लग्नानंतर धर्मांतर केले नाही. अभिजीतने प्रिती धर्मांतर करत नसल्याचं कळल्यानंतर वारंवार मारहाण करायला सुरुवात केली. यासोबतच धर्मांतर न केल्यामुळे प्रितीला मुस्लिम कायद्यानुसार लग्नाचं प्रमाणपत्रही देण्यात आलं नाही.
एका ट्विटमध्ये प्रितीने लिहिले की तिचा नवरा अभिजीत याने तो मुस्लिम असल्याचं सांगितलं. पण त्याच्याकडे धर्मांतर केल्याचे कोणतेही कागदपत्र नाही. तो त्याच्या कागदपत्रांवर अभिजित पेटकर हेच नाव लिहितो. तीन वर्षांपासून तो प्रेमाच्या नावाखाली तिची फसवणूक करत आहे. दरम्यान, प्रिती तलरेजा ही टीव्ही मालिका कृष्णादासीमध्ये दिसली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
