सुमय्या नासिर शेख (वय ४०) तिचा मुलगा आयान (वय ३) असे खून झालेल्या माय लेकरांची नावे आहेत. वरिष्ठ पोलीस निरीक्षक सुधाकर काटे यांनी दिलेल्या माहितीनुसार, वाल्हेकरवाडी येथील एका बंद खोलीतून दुर्गंधी येत असल्याची माहिती मिळाली. त्यानुसार, पोलिसांनी पाहणी केली. त्यावेळी खोलीत सुमय्या व तिचा मुलगा आयान यांचे मृतदेह आढळून आले. मृतदेहाच्या शेजारी रक्ताने माखलेला चाकू सापडला. तसेच घराबाहेर मद्याच्या बाटल्या, बिस्कीटचे पुडे, चॉकलेटही पडलेले होते.
पोलिसांनी घरमालकाकडे चौकशी केली असता रिक्षाचालक असलेल्या दोन तरुणांना १५ डिसेंबर रोजी खोली भाड्याने दिली होती, असे घरमालकाने सांगितले. बुधवारपासून (६ जानेवारी) दोन्ही तरुण फरार आहेत. सुमय्या व तिचा मुलगा नेमके कोठून आले; तसेच या ठिकाणी कधीपासून राहात आहेत, याचा शोध पोलिस शोध घेत आहेत. या प्रकरणी रात्री उशिरापर्यंत चिंचवड पोलीस ठाण्यात गुन्हा दाखल करण्याचे काम सुरू होते.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
