राज्यात दिवसभरात आढळले ३,५५८ करोनाबाधित रुग्ण, मृत्यू ३४

मुंबई: राज्यात दिवसभरात करोनाबाधित () रुग्ण बरे होण्याच्या संख्येपेक्षा नव्या रुग्णांची संख्या अधिक असल्याचे आजही स्पष्ट झाले आहे. राज्याच्या आरोग्य विभागाने (Health Ministry) दिलेल्या माहितीनुसार, राज्यात आज एकूण ३,५५८ नवे करोनाबाधित रुग्ण आढळले आहेत. तर आज ३४ बाधितांचा मृत्यू झाला आहे. तसेच, आज एकूण २,३०२ रुग्णांना उपचारानंतर घरी सोडण्यात आले आहे. नवे रुग्ण आढळणे आणि दिवसभरात बरे होणाऱ्या रुग्णांमधील अंतर १,२५६ इतके आहे. (maharashtra reports 3558 new covid19 cases 2302 discharged and 34 lost lives)

राज्यात आज आढळून आलेल्या नव्या ३,५५८ रुग्णांची संख्या पकडता आता राज्यातील एकूण रुग्णांची संख्या १९,६९,११४ वर पोहोचली आहे. तर आज बरे झालेल्या रुग्णांची संख्या लक्षात घेता राज्यात आतापर्यंत एकूण १८,६३,७०२ रुग्ण बरे झाले आहेत. तसेच करोनामुळे आतापर्यंत मृत्यू झालेल्यांची संख्या ५०,०६१ वर पोहोचली आहे. या बरोबरच सध्या राज्यात ज्यांच्यावर उपचार सुरू आहेत अशा सक्रिय रुग्णांची (Active Cases) संख्या ५४,१७९ इतकी आहे.

क्लिक करा आणि वाचा ही बातमी- पुण्यात आज वाढले २६४ नवे रुग्ण
या बरोबरच, पुणे शहरात आज दिवसभरात एकूण २६४ रुग्ण आढळले असल्याची नोंद करण्यात आली आहे. त्यामुळे रुग्णांची संख्या १ लाख ८१ हजार ५११ इतकी झाली आहे. तसेच आज ७ रुग्णांचा मृत्यू झाला असून मृतांची संख्या ४ हजार ६७९ वर पोहोचली आहे. या बरोबरच एकूण २१४ रुग्णांचे अहवाल निगेटिव्ह आले. तसेच, करोनामुक्त झालेल्या एकूण रुग्णांची संख्या १ लाख ७४ हजार १४३ इतकी झाली आहे. करोनामुक्त झाले आहेत.

क्लिक करा आणि वाचा ही बातमी- क्लिक करा आणि वाचा ही बातमी-