काही दिवसांपूर्वी विराट कोहलीने सोशल मीडियावर एक फोटो शेअर केला होता. या फोटोवरून सध्या सोशल मीडियावर चर्चा सुरू झाली आहे. फोटोत विराटने दोन्ही हाताने व्हिक्ट्रीचे चिन्ह केले होते. त्याच्या या फोटोवरून चाहते वेगवेगळी प्रतिक्रिया देत आहेत. काही चाहत्यांच्या मते चार दिवसात बाळाचा जन्म होणार आहे म्हणून विराटने व्ही चिन्ह केले होते. विराटची पत्नी अनुष्काने मुलीला आज जन्म दिला आहे. आज सकाळीच अनुष्का आणि विराट नेहमीच्या चेकअपसाठी इस्पितळात गेले होते. स्वतः विराटने त्याच्या ट्विटर अकाउंटवरून ही बातमी आपल्या चाहत्यांसोबत शेअर केली. ११ जानेवारी २०२१ रोजी ब्रीच कॅण्डी इस्पितळात अनुष्काने बाळाला जन्म दिला.
अनुष्का गरोदर असल्यामुळे कोहलीने ऑस्ट्रेलियाच्या दौऱ्यातील फक्त एकच कसोटी सामना खेळला होता. त्यानंतर कोहली हा मायदेशी परतला होता. त्यावेळी कोहलीवर काही माजी क्रिकेटपटूंनी टीकाही केली होती. पण त्यानंतरही कोहली मायदेशी परतल्याचे पाहायला मिळाले होते. आज भारताचा तिसरा कसोटी सामना संपला भारतीय संघाने हा सामना वाचवला आणि त्यानंतर भारतीय संघाला कोहलीने ही एक आनंदाची बातमी दिल्याचे पाहायला मिळत आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
