वाचा : सध्या सेन्सेक्स १९४ अंकांनी वधारला असून तो ४९७११ अंकांवर आहे. राष्ट्रीय शेअर बाजाराचा निफ्टी ६४ अंकांनी वाढला असून तो १४६२७ अंकांवर आहे. आज बँका, वित्त संस्था, ऑटो, आयटी सेवा या क्षेत्रात खरेदीचा ओघ आहे. भारती एअरटेल, ओएनजीसी, एसबीआय, आयटीसी, एसडीएफसी बँक, मारुती, एशियन पेंट्स, आयसीआयसीआय बँक, बजाज फिनसर्व्ह, सन फार्मा, हिंदुस्थान युनिलिव्हर, नेस्ले, एनटीपीसी, रिलायन्स इंडस्ट्रीज आदी शेअर तेजीत आहेत.
डॉ. रेड्डी लॅब, टायटन, कोटक बँक, ऍक्सिस बँक, अल्ट्राटेक सिमेंट, टीसीएस, बजाज ऑटो, इन्फोसिस या शेअरमध्ये घसरण झाली आहे. डिसेंबरमध्ये भाजीपाला स्वस्त झाल्याने किरकोळ बाजारातील महागाई दर कमी झाला आहे. किरकोळ महागाई दर ४.५९ टक्के झाला आहे.
दरम्यान, मंगळवारी अमेरिकेतील भांडवली बाजारात तेजी दिसून आली. गेल्या आठवड्यात निर्माण झालेली राजकीय अस्थिरता निवळली आहे. लवकरच नवनिर्वाचित अध्यक्ष जो बायडन व्हाईट हाऊसमध्ये सूत्रे स्वीकारतील. त्यानंतर अमेरिकन अर्थव्यवस्थेला तातडीने आर्थिक पॅकेज जाहीर केले जाईल, असा आशावाद जागतिक पातळीवरील बड्या गुंतवणूकदारांना वाटत आहे. त्यामुळे अमेरिकन भांडवली बाजारात गुंतवणुकीचा ओघ वाढल्याचे दिसून आले. आज आशियातील प्रमुख शेअर बाजार तेजीत आहेत.
हे आहे आजच्या तेजीमागचे कारणसेन्सेक्स आणि निफ्टीमधील तेजी आज बुधवारी देखील कायम आहे. देशभरात करोना लसीकरणाची मोहीम जोमाने सुरु झाली आहे. पुण्यातील सिरम इन्स्टिट्यूटमधून देशभरात लस वितरण सुरु झाले असून यामुळे करोना नियंत्रणाला मोठा हातभार लागणार आहे. त्यातच केंद्र सरकार अर्थसंकल्पाच्या तयारीला लागले आहे. येत्या १ फेब्रुवारी रोजी केंद्रीय अर्थसंकल्प संसदेत सादर केला जाणार आहे. याबाबत गुंतवणूकदारांमध्ये उत्सुकता आहे. त्यामुळे भांडवली बाजारात अलीकडच्या काळात गुंतवणुकीचा ओघ वाढला असल्याचे शेअर बाजार विश्लेषकांचे म्हणणे आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
