पुणेः सदाशिव पेठेतील जंगमवाडी मठाजवळील एका काम सुरू असलेल्या इमारतीमध्ये सडलेल्या अवस्थेत महिलेचा मृतदेह आढळून होता. या प्रकरणी शवविच्छेदनाच्या अहवालामध्ये काहीही संशयास्पद आढळून आलेले नाही. मात्र, व्हिसेरा राखून ठेवण्यात आला आहे. या महिलेची अद्याप ओळख पटलेली नसून तिची ओळख पटविण्याचे काम सुरू आहे, असे वरिष्ठ निरीक्षक विजय टिकोळे यांनी सांगितले.
सदाशिव पेठेतील जंगमवाडी मठाजवळ असलेल्या एका काम सुरू असलेल्या इमारतीमध्ये सोमवारी महिलेचा मृतदेह आढळून आला होता. या महिलेचे वय साधारण ३० ते ३५ दरम्यान आहे.
या इमारतीमधील नागरिकांना वास येऊ लागल्यामुळे त्यांनी पेरूगेट पोलिस चौकीत जाऊन घटनेची माहिती दिली. त्यानंतर पोलिसांनी धाव घेऊन शोध घेतला असता महिलेचा मृतदेह आढळून आला. या महिलेच्या अंगावर गुलाबी रंगाचा गाऊन आहे. याप्रकरणी विश्रामबाग पोलिस ठाण्यात घटनेची नोंद करण्यात आली असून महिलेची ओळख पटविण्याचे व मृत्यूच्या कारणाचा शोध सुरू आहे, असे टिकोळे यांनी सांगितले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
