कोण आहे जसलीन भल्ला?
जसलीन भल्ला ही एक सुप्रसिद्ध व्हॉइस ओव्हर कलाकार आहे. तिने यापूर्वी करोनाशी संबंधित कॉलर ट्यूनला आवाज दिला होता. गेल्या दशकभरापासून ती व्हॉइस ओव्हर आर्टिस्ट म्हणून काम करत आहे. त्यांचा आवाज आपण दिल्ली मेट्रो, स्पाइस जेट आणि इंडिगो विमानातही ऐकला असेल. त्या क्रीडा पत्रकार होत्या.
करोनाबद्दल जनजागृतीसाठी बनवलेल्या कॉलर ट्यूनला भल्ला यांनीच आवाज दिला. ‘कोरोना वायरस या कोविड-19 से आज पूरा देश लड़ रहा है। मगर, याद रहे हमें बीमारी से लड़ना है, बीमार से नहीं। उनसे भेदभाव न करें…।’
… म्हणून आवाज बदलला
अमिताभ यांच्या आवाजातील कॉलर ट्यून बदलण्याचा निर्णय घेण्यात आला आहे. आता जेव्हा आपण एखाद्याला कॉल कराल तेव्हा कॉलर ट्यूनमध्ये आपल्याला जसलीन भाल्ला यांचा आवाज ऐकू येईल. सरकारला आता करोना लसीबाबत जनजागृती करण्याची इच्छा आहे, म्हणूनच आवाज बदलला गेला आहे, असं सांगण्यात येतंय. नवीन कॉलर ट्यूनमध्ये, नागरिकांना लसबद्दल जागरूक केले जाईल आणि कोणत्याही प्रकारच्या अफवांवर विश्वास ठेऊ नका, असा संदेश दिला जाईल. हिंदी आणि इंग्रजी अशा दोन भाषांमध्ये ही कॉलर ट्यून असल्याचं बोललं जात आहे. त्याच वेळी, त्यात प्ले होणारा संदेश ३० सेकंदांचा असेल.
दिल्ली उच्च न्यायालयात याचिका
अमिताभ बच्चन यांच्या आवाजातील कॉलर ट्यून हटवण्यासाठी काही दिवसांपूर्वी दिल्ली उच्च न्यायालयात याचिका दाखल करण्यात आली होती. कॉलर ट्यूनमध्ये मूळ करोना योद्ध्यांचा आवाज असावा. यामुळे अमिताभ बच्चन यांचा आवाज करोना कॉलर ट्यूनमधून काढून टाकला पाहिजे, अशी मागणी याचिकेतून करण्यात आली.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
