म. टा. प्रतिनिधी, मुंबई: नारकॉटिक्स कन्ट्रोल ब्युरोने (एनसीबी) अमली पदार्थविरोधी मोहिमेचा धडाका कायम ठेवला आहे. सलग तिसऱ्या दिवशी दोन दलालांना जेजे इस्पितळ परिसरातून अटक केली आहे. यामुळे आता अमली पदार्थांचे दक्षिण मुंबईतील जाळे जवळपास उध्वस्त झाले आहे.

एनसीबीने मंगळवारी मोहम्मद नझीम खान व संदीप गणपत, या दोन दलालांना जेजे इस्पितळ भागात अटक केली. त्यांच्याकडून ६५ ग्रॅम मेफेड्रोन जप्त झालंय. हे दोघेही दक्षिण मुंबईतल्या श्रीमंत ग्राहकांना अमली पदार्थ पुरवण्याचे कामर करीत असल्याचे तपासात समोर आले आहे. त्याआधी एनसीबीने रविवार व सोमवार, या दोन्ही दिवशी नायजेरियन दलालांना अटक केली. नायजेरियन दलालांचादेखील मुंबईतील ‘हाय प्रोफाईल’ अमली पदार्थ ग्राहकांशी संबंध होता, असे समोर आले आहे. या सर्व अटकसत्रानंतर आता प्रामुख्याने दक्षिण मुंबईतील अमली पदार्थ जाळे जवळपास उध्वस्त झाले आहे, असे विभागीय संचालक समीर वानखेडे यांनी सांगितले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here