एका सभेत अनुराग ठाकूर यांनी संबोधित केले. या सभेतील बॅनरनुसार ही सभा रिठालामध्ये भाजप उमेदवार मनीष चौधरी यांच्या प्रचारासाठी सभा होत असल्याचे दिसून येत आहे. या सभेच्या व्यासपीठावर अनुराग ठाकूर यांच्यासह खासदार हंसराज हंस व इतर नेते उपस्थित होते. यावेळी अनुराग यांनी ‘देश के गद्दारो को…’ अशी घोषणा देतात आणि उपस्थितांकडून ‘गोली मारो सालो को’ असं म्हणत प्रतिसाद दिला जातो. त्यानंतर अनुराग उपस्थितांना मोठ्या आवाजात या घोषणा देण्याचे आवाहन करताना दिसतात. केंद्रीय मंत्री गिरीराज सिंह यांना या घोषणा ऐकू जायला हव्यात असे ठाकूर म्हणतात. गिरीराज सिंह हेदेखील कायम वादग्रस्त वक्तव्य करत असतात. भाजप उमेदवार मनीष चौधरी हे गिरीराज सिंह यांना आपले गुरू मानतात.
प्रशांत भूषण यांची टीका
ज्येष्ठ वकील व सामाजिक कार्यकर्ता प्रशांत भूषण यांनी ट्विट करून ठाकूर यांच्यावर टीका केली आहे. लोकांना चिथावणी देणाऱ्यांना तुरुंगात डांबायला हवे. मात्र, सध्या ते मंत्रिमंडळात असल्याचे भूषण यांनी सांगितले. अनुराग यांनी जाहीर सभेत दिलेल्या घोषणांमुळे त्यांच्यावर सोशल मीडियातही जोरदार टीका होत आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
