मुंबई: ‘काबिल’, ‘उरी ः द सर्जिकल स्ट्राइक’ असे हिट चित्रपट देणारी अभिनेत्री सध्या राजस्थानात जैसलमेर इथं तिच्या आगामी चित्रपटाचं चित्रीकरण करतेय. ‘’ असं या चित्रपटाचं नाव आहे. ‘११ वर्षांपूर्वी अभिनेत्री म्हणून माझा प्रवास सुरू झाला आणि तेव्हापासून आतापर्यंत अभिनय हीच गोष्ट या प्रवासात प्रेरणादायी ठरली,’ असं यामी सांगते.
सोशल मीडियावर केलेल्या पोस्टमध्ये यामीनं गेल्या ११ वर्षांतल्या आठवणींना उजाळा दिला आहे. ‘अभिनेत्री म्हणून हा प्रवास ११ वर्षांचा झाला. टीव्हीसाठी मी पहिल्यांदा कॅमेऱ्यासमोर उभी राहिले आणि तेव्हापासून एका अनामिक ओढीनं मी अभिनय करतेय. या सगळ्याला एक वर्तुळ पूर्ण झाल्यासारखं वाटतंय.’ यामीनं ही पोस्ट करताच तिची या चित्रपटातली सहकलाकार जॅकलिन फर्नांडिसनं तिचं कौतुक करणारी कमेंट केली.
या दोघींसह सैफ अली खान आणि अर्जुन कपूर यांच्याही या चित्रपटात भूमिका आहेत. धर्मशाळा इथलं चित्रीकरण संपवून नुकतीच ही टीम जैसलमेरला पोहोचली आहे. यामीच्या या चित्रपटाच्या भूमिकेविषयी उत्सुकता आहे. मोजकं काम करत या अभिनेत्रीनं तिचा चाहतावर्ग निर्माण केला.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
