सध्या मल्टी कमॉडिटी एक्सचेंजमध्ये सोन्याचा भाव ४९४७२ रुपये प्रती १० ग्रॅम आहे. त्यात ६२ रुपयांची घसरण झाली आहे. तत्पूर्वी आज दिवसभरात सोने ४९७६५ रुपयांपर्यंत वाढले होते.एक किलो चांदीचा भाव ६७२५० रुपये असून त्यात मात्र २६० रुपयांची वाढ झाली आहे. आज चांदीचा भाव ६७८४८ रुपयांवर गेला होता.
दरम्यान, आज सराफा बाजारात सोने आणि चांदीच्या किमतीत मोठी वाढ झाली. दिल्लीत सोने ५७५ रुपयांनी वधारले आणि ४९१२५ रुपयांपर्यंत पोहोचले. चांदीच्या दरात १२२७ रुपयांची वाढ झाली आणि एक किलोचा भाव ६६६९९ रुपये झाला. त्याआधीच्या सत्रात चांदी ६५४७२ रुपये प्रती किलो होता. आज जागतिक बाजारात सोने १८७०.५० डॉलर प्रती औंस झाला. चांदीचा भाव २५.८३ डॉलर प्रती औंस झाला. न्यूयॉर्कमध्ये सोन्याच्या दरात ०.२१ टक्के वाढ झाली. सोन्याचा भाव प्रती औंस १८७४.१० डॉलर झाला.
good returns या वेबसाईटनुसार आज गुरुवारी मुंबईत २२ कॅरेट सोन्याचा भाव ४८६०० रुपये झाला आहे. त्यात ५०० रुपयांची वाढ झाली. मुंबईत २४ कॅरेट सोन्याचा भाव ४९६०० रुपये झाला. दिल्लीत २२ कॅरेट सोन्याचा भाव ४७४०० रुपये आहे. २४ कॅरेटसाठी तो ५२८०० रुपये आहे. चेन्नईत २२ कॅरेटसाठी ४६९१० रुपये असून २४ कॅरेटचा भाव ५११८० रुपये आहे. कोलकात्यात २२ कॅरेट सोन्याचा भाव ४८३६० रुपये असून २४ कॅरेट सोन्याचा भाव ५१०६० रुपये आहे.
अमेरिकेच्या राष्ट्राध्यक्षपदाची शपथ घेतल्यानंतर
यांनी कामाचा धडाका सुरू केला आहे. बायडन यांनी ट्रम्प यांच्या काळातील निर्णय मागे घेतले आहेत.बायडन यांनी सत्तासूत्रे हाती घेतल्यानंतर १५ कार्यकारी आदेशांवर स्वाक्षरी केली आहे. हे आदेश म्हणजे ट्रम्प यांनी केलेल्या नुकसानीची भरपाई असल्याचे बायडन यांच्या टीमकडून सांगण्यात आले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
