साजिद फारूख दार उर्फ अदनान असं अटक केलेल्या दहशतवाद्याचं नाव आहे. पट्टण परिसरातील अंदेरदगाममधून त्याला काश्मीर पोलिसांनी अटक केली आहे. या परिसरात पोलिसांनी शोधमोहीम हाती घेतली होती. या मोहिमेदरम्यान, ‘लश्कर’च्या या दहशतवाद्याला अटक करण्यात आली, अशी माहिती पोलिसांनी दिली. दार हा बांदिपोर येथील रहिवासी असून, लश्कर ए तोयबासाठी तो काम करत होता, अशी माहितीही पोलिसांनी दिली.
दरम्यान, काही दिवसांपूर्वीच श्रीनगर येथील रुग्णालयातून लश्कर-ए-तोयबाच्या दहशतवाद्याला अटक करण्यात आली होती. निसार अहमद दार हा उत्तर काश्मीरच्या बंदीपोर जिल्ह्यातील हाजीन परिसरातील रहिवासी असून, जम्मू-काश्मीरच्या विशेष पोलिस पथकाने श्री महाराजा हरीसिंह रुग्णालयातून त्याला अटक केली. दार ‘लश्कर-ए- तोयबा’शी संबंधित होता.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
