बुलडाणा: जिल्ह्यातील चिखली तालुक्यातील भानखेड येथील जनार्धन सत्तू इंगळे यांचेकडील कुक्कुट पक्षांचा मृत्यू बर्ड (Bird Flu) फ्ल्यू रोगाने झाला आहे. भोपाळ प्रयोगशाळेचा अहवाल पॉझिटिव्ह आल्यानंतर यावर शिक्कामोर्तब झाले. या अहवालानंतर या रोगाचा प्रसार चिखली तालुका व इतर ठिकाणी होण्याची शक्यता असल्याचे बोलले जात आहे. प्रतिबंधात्मक उपाय योजना म्हणून भानखेड येथील बाधीत कोंबड्यांचे शास्त्रोक्त पद्धतीने कलींग करून विल्हेवाट लावण्यात येत आहे. दरम्यान, या प्रकाराने घाबरून न जाण्याचे आवाहन प्रशासनाने जनतेला केले आहे. ( at bhankhed)

प्राण्यांमधील संक्रामक आणि सांसर्गिक रोग प्रतिबंध व नियंत्रण अधिनियम २००९ अंतर्गत जिल्हाधिकारी एस. रामामूर्ती यांनी भानखेड येथील जनार्धन सत्तू इंगळे यांच्या घराशेजारील बॉकयार्ड पोल्ट्री या संसर्ग केंद्रापासून १ किलोमीटर परीसर हा बाधीत क्षेत्र व १ ते १० किलोमीटरचा परिसर हा निगराणी क्षेत्र म्हणून घोषीत केला आहे. बाधीत क्षेत्रातील सर्व कुक्कुट पक्षांची, निगडीत खाद्य व अंडी यांची योग्य विल्हेवाट लावण्याचे आदेश जलद कृती दलास देण्यात आले आहेत.

क्लिक करा आणि वाचा-
तसेच १ ते १० कि.मी त्रिज्येतील निगराणी क्षेत्रातील कुक्कुट पक्षी, खाद्य व अंडी यांचे निगराणी क्षेत्रा बाहेर वाहतुकीस २१ दिवस पर्यंत प्रतिबंध करण्यात येत आहे, असे जिल्हाधिकारी एस. रामामूर्ती यांनी कळविले आहे.

क्लिक करा आणि वाचा- क्लिक करा आणि वाचा-

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here