कोल्हापूर: किनी टोल नाक्यावर कोल्हापूर पोलीस आणि राजस्थानातील कुख्यात गुंडांमध्ये चकमक झाली. या चकमकीत एक गुंड जखमी झाला असून कोल्हापूर पोलिसांनी तिन्ही गुंडाना बेड्या ठोकल्या आहेत.

राजस्थानातील कुख्यात वॉंटेड गुंड बेळगावकडून पुण्याच्या दिशेला निघाले होते. बेळगाव पोलिसही या गुंडांच्या मागावर होते. बेळगाव पोलिसांनी माहिती दिल्यानंतर कोल्हापूर पोलिसांनी किणी टोल नाक्यावर नाकाबंदी केली. रात्री ९.३० वाजण्याच्या दरम्यान पोलिसांवर या कुख्यात गुंडांनी पोलिसांवर गोळीबार करण्यास सुरुवात केली. गुंडाच्या गोळीबाराला पोलिसांनी जोरदार प्रत्युत्तर दिले. या चकमकीमध्ये एक गुंड जखमी झाला.

जखमी गुंडाला उपचारासाठी सीपीआर रुग्णालयात दाखल करण्यात आले आहे. पोलीस अधीक्षक डॉ. अभिनव देशमुख यांच्यासह पोलिसांचे पथक घटनास्थळी दाखल झाले.