सध्या मल्टी कमॉडिटी बाजारात सोने २३५ रुपयांनी घसरले आहे. सोन्याचा भाव दहा ग्रॅमला ४८९०८ रुपये झाला आहे. तसेच चांदीला देखील नफेखोरीची झळ बसली आहे. एक किलो ६६२९७ रुपये झाला आहे. त्यात २३८ रुपयांची घट झाली आहे. सकाळी एमसीएक्स उघडताच सोने आणि चांदीमध्ये घसरण झाली. त्याआधीच्या सत्रात सोमवारी कमॉडिटी बाजारात सोने घसरले होते.
good returns या वेबसाईटनुसार आज बुधवारी मुंबईत २२ कॅरेट सोन्याचा भाव ४८३३० रुपये झाला आहे तर २४ कॅरेट सोन्याचा भाव ४९३३० रुपये झाला आहे. दिल्लीत २२ कॅरेट सोन्याचा भाव ४७९०० रुपये आहे. २४ कॅरेटसाठी तो ५२२५० रुपयांवर कायम आहे. चेन्नईत २२ कॅरेटसाठी ४६२१० रुपये असून २४ कॅरेटचा भाव ५०६१० रुपये आहे. कोलकात्यात २२ कॅरेट सोन्याचा भाव ४८४९० रुपये असून २४ कॅरेट सोन्याचा भाव ५११९० रुपये आहे.
अमेरिकन सत्तेची सूत्रे हाती घेणाऱ्या डेमोक्रॅटिक पक्षाचे जो बायडन यांनी अमेरिकन अर्थव्यवस्थेला रुळांवर आणण्यासाठी १०० दिवसांचा कार्यक्रम जाहीर केला आहे. यात मोठ्या १.९ लाख कोटी डॉलार्सच्या बलाढ्य आर्थिक पॅकेजचा समावेश आहे. यामुळे जगातील सर्वात मोठ्या अर्थव्यवस्थेला पूर्वपदावर येण्यास चालना मिळणार आहे.
त्याशिवाय अमेरिकेतील राजकीय अस्थिरता जवळपास संपुष्टात आली आहे. देशात करोना लसीकरण सुरु आहे. याचे पडसाद कमॉडिटी बाजारावर उमटले. जागतिक कमॉडिटी बाजारात मंगळवारी सोन्याचा भाव प्रती औंस १८५०.९० डॉलर होता. चांदीचा भाव प्रती औंस २५.५४ डॉलर होता. मंगळवारी प्रजासत्ताक दिनानिमित्त भारतीय कमॉडिटी बाजारात बंद होता.
फेडरल रिझर्व्हची लवकरच बैठक होणार आहे. नवे सरकार अमेरिकन अर्थव्यवस्थेला सरवण्यासाठी काय उपायोजना करणार यावरून फेडरल भूमिका घेणार आहे. यावरून कमॉडिटी बाजाराची पुढील दिशा स्पष्ट होईल, असे गुंतवणूक सल्लागारांचे म्हणणे आहे. ‘एमसीएक्स’वर सोने ४९३३० ते ४९५८० रुपयांच्या दरम्यान राहील त्याला ४८८०० या पातळीवर सपोर्ट राहील. चांदीला ६५९०० ते ६५५०० च्या दरम्यान सपोर्ट राहील, असा अंदाज पृथ्वी फिनमार्टचे कमॉडिटी विश्लेषक मनोज जैन यांनी व्यक्त केला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
