वाचा:
भाजप नगरसेवक नील सोमय्या यांचे नाव एका खंडणीच्या प्रकरणात आले होते. हे जुने प्रकरण असून याप्रकरणी नील यांची नव्याने चौकशी सुरू करण्यात आली आहे. मुलुंड पोलीस ठाण्यात आज नील यांचा जबाब नोंदवण्यात आला. नील यांच्यावर बिल्डरकडून खंडणी उकळल्याचा आरोप झाला असला तरी अद्याप याप्रकरणी त्यांच्यावर कोणताही गुन्हा दाखल करण्यात आलेला नाही, असेही कळते. त्यामुळे नील यांचा जबाब नोंदवल्यानंतर पोलीस आता कोणती कारवाई करतात, हे लवकरच स्पष्ट होणार आहे. नील यांच्यावर झालेल्या खंडणीच्या आरोपाबाबत अद्याप अधिक तपशील पुढे आलेला नाही. याबाबत नील व त्यांचे वडील किरीट सोमय्या यांनीही अद्याप कोणतीही प्रतिक्रिया दिलेली नाही.
वाचा:
दरम्यान, किरीट सोमय्या यांच्याकडून सातत्याने राज्यातील महाविकास आघाडीला लक्ष्य करण्यात येत आहे. त्यातही मुख्यमंत्री उद्धव ठाकरे, ठाकरे कुटुंबातील अन्य सदस्य आणि नेत्यांवर किरीट सोमय्या सातत्याने भ्रष्टाचाराचे आरोप करत आलेले आहेत. गेल्या काही दिवसांपासून मुरुडमधील भूखंडावरून सोमय्या हे मुख्यमंत्री ठाकरे यांच्यावर निशाणा साधत आहेत. यांनी निवडणूक प्रतिज्ञापत्रात ही मालमत्ता दाखवली नाही अशी तक्रार भारताचे निवडणूक आयुक्त सुनील अरोरा यांच्याकडे सोमय्या यांनी केली आहे. दुसरीकडे शिवसेनेकडून सोमय्या यांना कमी महत्त्व देण्याचे धोरण अवलंबण्यात आले आहे. असे असतानाच त्यांच्या मुलाची चौकशी सुरू झाल्याने त्याचे अनेक अर्थ काढले जाऊ लागले आहेत.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
