मुजफ्फरपूरमधील बोचहा पोलीस ठाण्याच्या हद्दीतील एका गावात ही धक्कादायक घटना घडली. मुलीवर रुग्णालयात उपचार सुरू आहेत. पोलिसांनी गुन्हा नोंदवून तपास सुरू केला आहे. घराबाहेर पेटवलेल्या शेकोटीच्या बाजूला महिला बसली होती. तिला एकटीला पाहून गावातीलच तरूण त्या ठिकाणी आला. शेक घेण्याच्या बहाण्याने तो शेकोटीजवळ बसला आणि त्याने महिलेची छेड काढण्यास सुरुवात केली.
महिलेने त्याला विरोध केला. त्यावेळी आरोपीने चिडून तिच्या कुशीत असलेल्या तीन महिन्यांच्या मुलीला हिसकावले आणि शेकोटीत फेकले. त्यानंतर घटनास्थळावरून तो पसार झाला. महिलेने क्षणाचाही विलंब न करता मुलीला शेकोटीतून बाहेर काढले. मात्र, तोपर्यंत तिचा पाय होरपळला होता. तिच्यावर रुग्णालयात उपचार सुरू आहेत. महिलेने आरोपीविरोधात पोलीस ठाण्यात तक्रार दाखल केली आहे. आरोपीला लवकर अटक करण्यात यावी, अशी मागणी पोलिसांकडे केली आहे. दरम्यान, पोलिसांनी आरोपीविरोधात गुन्हा दाखल केला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
