मुंबई: मुंबईतील एका फाइव्ह स्टार हॉटेलमध्ये धक्कादायक प्रकार घडला. हॉटेलमधील हाउसकिपिंगमध्ये काम करणाऱ्या २२ वर्षांच्या तरुणाने वेबसीरीजमध्ये काम करणाऱ्या एका अभिनेत्रीचा विनयभंग केला. रविवारी ही घटना घडली असून, आरोपीविरोधात गुन्हा दाखल करण्यात आला आहे.
मिळालेल्या माहितीनुसार, वेबसीरीजमध्ये काम करणारी अभिनेत्री दिवसभरातील चित्रीकरण संपवून राहत असलेल्या फाइव्ह स्टार हॉटेलमध्ये पोहोचली. ती आपल्या खोलीत गेली. ती वॉशरूममध्ये गेली असता, दिलेश्वर याने तिला घट्ट पकडले आणि तिच्यासोबत गैरवर्तन करू लागला. तिने आरडाओरडा केला. अभिनेत्रीने कशीबशी त्याच्या तावडीतून आपली सुटका करून घेतली.
या प्रकरणी अभिनेत्रीने आरोपीविरोधात तक्रार दाखल केल्यानंतर एन. एम. जोशी मार्ग पोलीस ठाण्यात त्याच्याविरोधात विविध कलमान्वये गुन्हा दाखल केला आहे. या घटनेचा पुढील तपास पोलीस करत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
