अबुमजाड जंगल परिसरात माओवाद्यांचे प्रभाव क्षेत्र असल्याचे म्हटले जाते. छत्तीसगड राज्याच्या सीमेला लागून असलेल्या पेरिमिलीभट्टी जंगल परिसरात सी-६० पथकातील जवानांची माओवाद्यांविरोधातील शोध मोहीम सुरू होती. त्यावेळी माओवाद्यांनी अचानकपणे जवानांच्या दिशेने गोळीबार करण्यास सुरुवात केली. जवानांनीदेखील या गोळीबाराला जोरदार प्रत्युत्तर दिले. सी-६० पथकातील जवानांचा आक्रमक पवित्रा पाहता माओवाद्यांनी घनदाट जंगलात पळ काढला. मात्र, पाच जहाल माओवाद्यांना अटक करण्यात यश आले. रैणू सोनू वड्डे, बंडू चक्कु वड्डे, सुखराम सोमा उसेंडी, इरपा उसेडी आणि केये सायबी वड्डे अशी अटक केलेल्या माओवाद्यांची नावे आहेत. या माओवाद्यांकडून तीन बंदुका जप्त करण्यात आल्या आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
