रामदास आठवले आपल्या ट्विटमध्ये म्हणतात, ‘अनिल देशमुखजी, आप करोना से मत डरोना. मैने तो बोला हैं गो करोना, करोना से मत हरोना.’
आठवले यांनी आणखी एक ट्विट करत गृहमंत्री देशमुख यांना शुभेच्छा दिल्या आहेत. ते आपल्या पुढील ट्विटमध्ये म्हणतात, ‘गृहमंत्री अनिल देशमुखजी आपण लवकर करावी करोनावर मात. गो करोना या घोषणेची राहील तुम्हाला साथ. करोनाने माझा केला होता पिच्छा, तेव्हा तुम्ही दिल्या होत्या मलाही शुभेच्छा. कारण तुम्ही आहात माझे चांगले मित्र, म्हणून मी आज रंगवतो शुभेच्छांचे शब्दचित्र.’
केंद्रीय राज्यमंत्री रामदास आठवले यांना देखील करोनाची बाधा झाली होती. त्यावेळी गृहमंत्री अनिल देशमुख यांनी आठवले यांना त्यांच्या काव्यात्मक शैलीत शुभेच्छा दिल्या होत्या. त्यावेळी केलेल्या ट्विटमध्ये देशमुख म्हणतात, ‘कोरोना-गोचा घेतला ज्याने वसा, ग्रासले त्याच कविमित्र रामदासा. धीर नका सोडू प्रसंग जरी आला बाका, कोरोनात नाही दम इतका जो तुम्हा लावील धक्का.’
क्लिक करा आणि वाचा-
आठवले यांनी दिलेल्या शुभेच्छांबाबत गृहमंत्री अनिल देशमुख यांनी आभार मानले आहेत. आपण मला करोनातून सुखरूप बरे होण्याची जी सदिच्छा व्यक्त केली, त्याबद्दल मी आपला ऋणी असल्याचे देशमुख यांनी म्हटले आहे. आपली सदिच्छा आणि पाठिंब्याच्या जोरावर मी ही लढाई जिंकेन, असा मला ठाम विश्वास आहे, असे म्हणत देशमुख यांनी आठवले यांचे आभार मानले आहेत.
क्लिक करा आणि वाचा- क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
