सिलेंडरच्या गोदामालाच आग लागल्यानं परिसरात भितीचे वातावरण पसरले आहे. गोदामातून मोठ्या आवाजात सिलेंडरच्या स्फोटाच्या आवाजानं परिसर हादरला आहे. सध्या अग्निशमन दलाचे १५ बंब घटनास्थळी दाखल झाले असून आग आटोक्यात आणण्याचे शर्थीचे प्रयत्न सुरु आहेत. या आगीच संपूर्ण गोदाम जळून खाक झाले आहे. गोदामाला लागलेली आग ही एल- २ लेव्हलची असल्याचं अग्निशमन दलाकडून सांगण्यात येतंय.
आज सकाळी पावणे दहाच्या सुमारास वर्सोवातील यारी रोड येथे असलेल्या गॅस सिलेंडरच्या गोदामाला आग लागली. या आगीत आतापर्यंत ४ जण जखमी झाले असून त्यांना पुढील उपचारासाठी कूपर रुग्णालयात दाखल करण्यात आले आहे. राकेश कडू, लक्ष्मण कुमावत, हे या आगीत ४० टक्के भाजले आहेत तर, मंजित खान, मुकेश कुमावत हे ६० टक्के भाजल्याचं कूपर रुग्णालयाकडून सांगण्यात येतंय.
दरम्यान, आगीच्या घटनास्थळी रहिवाशी वस्ती व शाळा असल्यानं तेथील रहिवाश्यांना सुरक्षित स्थळी हलवण्याचे काम सुरु आहे. तसंच, या परिसरात अनेक कलाकारही राहत असल्याचं बोललं जातंय.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
