औरंगाबादः औरंगाबाद जिल्ह्यातील भेंडाळा शिवारात रात्री दीड वाजताच्या सुमारास दरोडेखोरांनी धुमाकूळ घातला. या परिसरात दरोड्याची तयारी करीत असताना पोलिसांनी दरोडेखोराच्या मुसक्या आवळल्या. आणि पोलिसांत यावेळी झाली. पोलिसांनी एका दरोडेखोराला अटक करण्यात यश मिळवले आहे. परंतु, दरोडेखोराला दोन हात करताना पोलीस निरिक्षक जखमी झाले आहे.

औरंगाबाद जिल्ह्यात दरोड्याची तयारी करीत असल्याची माहिती पोलिसांना लागताच त्यांनी घटनास्थळी धाव घेतली. त्या ठिकाणी पोहोचताच दरोडेखोरांनी पोलिसांना चकवा देण्याचे काम केल. अंधाराचा फायदा घेत दरोडेखोरांनी पोलिसांवर दगडफेक केली. या दगडफेकीत गंगापूर पोलिस ठाण्याचे पोलिस निरीक्षक एम. टी. सुरवसे यांना दगड लागला असून त्यात ते जखमी झाले आहेत. पोलिसांना अखेर हवेत गोळीबार करावा लागला. अंधाराचा गैरफायदा घेत पळून जाण्याच्या तयारीत असताना पोलिसांनी दरोडेखोरांच्या मुसक्या आवळल्या. पोलिसांनी एका आरोपीला अटक केली आहे. तसेच दोन चोरीच्या मोटारसायकल, एक सत्तूर जप्त केली आहे.