जेजुरी गडावर पुण्यश्लोक अहिल्याबाई होळकर यांच्या पुतळ्याचे अनावरण उद्या शनिवारी शरद पवारांच्या उपस्थित होणार आहे. मात्र, आज पहाटे गोपीचंद पडळकर त्यांच्या कार्यकर्त्यांसह जेजुरी गडावर पोहोचले आणि अहिल्यादेवींच्या पुतळ्याचे उद्घाटन केलं. यानंतर, गोपीचंद पडळकर यांच्यासह अन्य कार्यकर्त्यांवर गुन्हा दाखल करण्यात आला आहे. शासकीय कामात अडथळा आणणे, जमावबंदीचे उल्लंघन करणे आणि पोलिसांशी झटापट केल्याप्रकरणी त्यांच्यावर गुन्हा दाखल झाला आहे.
वाचाः
गोपीचंद पडळकर यांनी अहिल्यादेवींच्या पुतळ्याचे अनावरण केल्याचा दावा केल्यानंतर राज्याचे गृहमंत्री यांनी याप्रकरणी प्रतिक्रिया दिली आहे. अहिल्यादेवी होळकर यांच्या पुतळ्याचे अनावरण करण्याचा गोपीचंद पडळकर यांचा प्रयत्न पोलिसांनी हाणून पाडला आहे. पोलिस त्यांच्यावर योग्य ती कारवाई करत असून उद्या शनिवारी शरद पवार यांच्या हस्ते पुतळ्याचे अनावरण पार पडणार आहे, असं देशमुख म्हणाले आहेत.
दरम्यान, राष्ट्रवादी काँग्रेसचे अध्यक्ष शरद पवार यांच्या हस्ते शनिवारी या पुतळ्याचं अनावरण होणार होतं. मात्र, त्याआधीच पडळकर यांनी या पुतळ्याचं अनावरण केलं. तसंच, शरद पवारांवर जोरदार टीका केली देखील केली आहे. शरद पवार यांच्या हस्ते या पुतळ्याचं अनावरण होणार होतं हे खरं आहे. मात्र, शरद पवार यांच्यासारख्या भ्रष्टाचारी व जातीयवादी माणसानं अहिल्यादेवींच्या पुतळ्याला हात लावू नये, या पुतळ्याचं अनावरण करू नये, अशी अनेकांची भावना होती. त्यामुळं आम्हीच हा सोहळा पार पाडला, असं पडळकर यांनी म्हटलं आहे.
वाचाः
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
