वाचा:
बारामती विमानतळावर अजय देवगण आणि अमिताभ बच्चन हे सकाळी दहा वाजताच्या सुमारास खासगी विमानाने आले. त्या ठिकाणी त्यांचे काही काळ चित्रीकरण झाले. अजय देवगणच्या आगामी ‘मेडे’ या चित्रपटामध्ये अमिताभ बच्चन आणि अजय देवगण एकत्र भूमिका साकारत आहेत. “मेजरसाब’ ‘खाकी’ आणि ‘सत्याग्रह’ या चित्रपटांनंतर अजय देवगण आणि अमिताभ बच्चन ‘मेडे’त एकत्र दिसणार आहेत. या चित्रपटामध्ये अजय देवगण हा वैमानिकाची भूमिका साकारत असून हा थरारपट आहे. यामध्ये अमिताभ बच्चन हेसुद्धा प्रमुख भूमिकेत आहेत. या चित्रपटाचा काही भाग आज बारामती विमानतळावर शूट करण्यात आला.
वाचा:
बारामतीत सकाळी अमिताभ यांचं आगमन झाल्यानंतर उपमुख्यमंत्री अजित पवार यांच्या पत्नी , बारामतीच्या नगराध्यक्षा पौर्णिमा तावरे, बारामती सहकारी औद्योगिक वसाहतीचे अध्यक्ष रणजित पवार, शुभांगी पवार, राष्ट्रवादीचे तालुकाध्यक्ष संभाजी होळकर यांनी त्यांचे स्वागत केले. यावेळी काहीवेळ सर्वांशी संवाद सादल्यानंतर अमिताभ बच्चन यांनी चित्रीकरणासाठी आपला वेळ दिला. हेलिकॉप्टरमधून न्याहाळत आहेत व विमानतळावर उतरून चालत आतमध्ये जात आहेत असा अमिताभ यांचा सीन आज येथे शूट करण्यात आला.
वाचा:
बच्चन यांच्या येण्याने चाहत्यांना सुखद धक्का
बारामती येथील विमानतळ हा बारामती शहरापासून दूर असल्यामुळे तसा निर्जन परिसरात मोडतो. त्याचबरोबर येथे सुरक्षितता चांगली आहे आणि याठिकाणी वर्दळीचा त्रास नाही. त्यामुळे चित्रपट निर्मात्यांनी हा परिसर शूटिंगसाठी निवडला. आज अमिताभ बच्चन आणि अजय देवगण आले खरे पण ते माघारी परतल्यानंतरच बारामतीत बऱ्याच जणांना त्याची खबर मिळाली. अमिताभ यांना प्रत्यक्ष पाहता आले नसले तरी ते बारामतीत येऊन गेले ही बातमीच त्यांच्या चाहत्यांसाठी आनंद आणि सुखद धक्का देणारी ठरली. बारामतीत आज दिवसभर अमिताभ यांच्या भेटीचीच चर्चा होती.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
