दिल्ली: आता शाहीन बाग येथे गोळीबार; हल्लेखोराला अटक

नवी दिल्ली: दिल्लीतील येथे नागरिकत्व कायद्याविरुद्ध बेमुदत आंदोलन सुरू असून आज तिथेही गोळीबाराची घटना घडल्याने खळबळ उडाली आहे. जिथे निदर्शने सुरू आहेत तिथून काही अंतरावरच आजची गोळीबाराची घटना घडली. हल्लेखोराने तीन गोळ्या हवेत झाडल्या. हा इसम नोएडा भागातून आला होता. त्याला अटक करण्यात आली आहे. दरम्यान, आज झालेल्या गोळीबारात सुदैवाने कुणीही जखमी झालेले नाही.

दिल्लीचे पोलीस उपायुक्त चिन्मय बिस्वाल यांनी या घटनेबाबत माहिती दिली. संबंधित इसमाने हवेत गोळीबार केला. त्यानंतर बंदोबस्तावरील पोलिसांनी तत्काळ कारवाईचे पाऊल उचलत हल्लेखोराच्या मुसक्या आवळल्या, असे बिस्वाल यांनी सांगितले. हल्लेखोराचे नाव कपिल असे आहे व तो दिल्लीतील दल्लूपुरा भागातील राहणारा असल्याची माहिती पुढे येत आहे. ‘भारतात दुसऱ्या कुणाचाही नाही फक्त हिंदूंचाच आवाज चालेल’, असे पोलिसांना सांगत हल्लेखोराने आपल्या कृतीचे समर्थन केले आहे.

‘जामिया’तही झाला होता गोळीबार

दिल्लीत विरोधी सुरू असलेल्या आंदोलनादरम्यान झालेली गोळीबाराची ही दुसरी घटना आहे. गुरुवारी ‘जामिया मिलिया इस्लामिया’च्या परिसरातही गोळीबार झाला होता. रामभक्त गोपाल असे नाव सांगणाऱ्या इसमाने निदर्शकांवर गोळी चालवली होती. त्यात एक विद्यार्थी जखमी झाला होता. पोलिसांच्या डोळ्यादेखत ही घटना घडली होती. या घटनेनंतर दिल्लीतील कायदा-सुव्यवस्थेवरून पोलिसांवर टीका झाली होती.