दिशा रवीवरील हरयाणाच्या मंत्र्यांचं ट्वीट डिलिट केलं, नंतर ट्वीटरचा यु-टर्न

नवी दिल्ली: शेतकरी आंदोलनाशी संबंधित टूलकिट ( ) प्रकरणी हरयाणाचे मंत्री ( anil vij ) यांनी ट्वीट केलं होतं. ज्यांच्या मनात देशविरोधाचे बीज आहे … ते मिटवले गेलेच पाहिजे”, याचा तपास केला जात आहे आणि हे ऑनलाइनवरील अत्यंत कठोर टीकेच्या नियमांतर्गत हटवण्या योग्य नाही का? ट्वीटरने सोमवारी दुपारी ट्विटरवरुन हे म्हटलं होतं. काही तासांपूर्वी ट्विटरने विज यांना नोटीस बजावली होती. एका जर्मन युजर्सच्या तक्रारीवरून हे ट्वीट हटवण्यात आलं आहे, असं ट्वीटरने म्हटलं होतं. जर्मनीच्या नेटवर्क अंमलबजावणी कायद्यांतर्गत ही तक्रार नोंदवली गेली होती. सोशल नेटवर्क प्रदात्यांना नियमांविरूद्धचे ट्वीट एका मुदतीतच हटवावे लागतील, असं ट्वीटरने म्हटलं होतं. पण नंतर विज यांचे ट्वीट कायम ठेवण्यात आले. देशाच्या विरोधाचे बीज ज्याच्याही मनात आहे त्यांचा संपूर्ण नाश केला पाहिजे, मग ती #दिशा_रवी असो की इतर कोणी, असं अनिल विज ट्वीटमध्ये म्हणाले होते.

विज यांनी शेअर केलेल्या स्क्रीन शॉटमध्ये ट्वीटरचा हा मेसेज होता. जर्मन कायद्यानुसार ट्वीटरला ज्या युजर्सने तक्रार केली होती त्यावरून कारवाई केली गेली. तपासात ट्वीट हे नियमांनुसार हटवता येणार नाही, असं ट्वीटरने स्पष्ट केलं. शेतकरी आंदोलनासंबंधी सोशल मीडियावर ‘टूलकिट’शेअर केल्याच्या आरोपावरून बंगळुरु येथून दिशा रवीला अटक करण्यात आली आहे. दिशा ही ‘टूलकिट गूगल डॉक’ ची संपादक आणि दस्तावेज बनवणं आणि ती प्रसारित करणारी मुख्य सूत्रधार आहे, असा दावा दिल्ली पोलिसांनी केला आहे.

पर्यावरणवादी ग्रेटा थनबर्गने शेतकरी आंदोलनाला पाठिंबा दर्शवत एक टूलकिट शेअर केले होते. भारताविरोधात वेगवगेळ्या स्तरावर विरोध करण्याची योजना मांडण्यात आली होती. जागतिक पातळीवर भारताच्या बदनामीचा हा कट होता, असं पोलिसांचं म्हणणं आहे.

टूलकिट प्रकरणी दिल्ली पोलिसांनी कारवाई करत या तरुणीला शनिवारी बेंगळुरू येथून अटक केली. तसंच निकिता जेकब आणि शंतनू यांच्याविरूद्ध अजामीनपात्र अटक वॉरंट जारी केले आहे. रविवारी दिशाला दिल्लीच्या पतियाळा हाऊस कोर्टात हजर करण्यात आलं. कोर्टाने तिला ५ दिवसांची पोलिस कोठडी सुनावली.