या अकरा देशांमध्ये ‘बी.१.५२५’ हा वेरिएंट आढळला आहे. संशोधकांनी दिलेल्या माहितीनुसार, ब्रिटन, अमेरिका, नायजेरिया, डेन्मार्क, फ्रान्स, बेल्जियम, स्पेन, कॅनडा, ऑस्ट्रेलिय, घाना आणि जॉर्डनमध्ये हा नवा वेरिएंट आढळला असल्याचा खुलासा झाला आहे. डेन्मार्कमध्ये ३५ प्रकरणे समोर आली आहेत. तर, ब्रिटनमध्ये ३३, नायजेरियात १२, अमेरिकेत १० आणि फ्रान्समध्ये पाच रुग्ण आढळले असल्याची पुष्टी करण्यात आली आहे. करोनाचा हा नवा वेरिएंट दक्षिण आफ्रिका, ब्राझीलमध्ये आढळलेल्या वेरिएंटप्रमाणे असल्याचे समजते. अॅण्टीबॉडीसाठी हा वेरिएंट अधिक प्रतिरोधक होऊ शकतो. भारतात या वेरिएंटचा एकही रुग्ण आढळला नाही. मात्र, दक्षिण आफ्रिका आणि ब्राझीलमध्ये आढळलेल्या नव्या वेरिएंटने दरवाजा ठोठावला आहे.
वाचा:
केंद्र सरकारने मंगळवारी सांगितले की, जानेवारीमध्ये भारतात चारजणांना दक्षिण आफ्रिकेत आढळलेल्या वेरिएंटची लागण झाली आहे. तर, फेब्रुवारीच्या पहिल्या आठवड्यात ब्राझीलमध्ये आढळलेल्या वेरिएंटची लागण एका व्यक्तीला झाल्याचे समजते.
वाचा:
दरम्यान, जगभरात फैलावलेल्या करोनाच्या अन्य स्ट्रेनपेक्षा केंट स्ट्रेन ३० ते ७० टक्के अधिक घातक आहे. या संशोधनात करोनाच्या अन्य स्ट्रेनने बाधित असलेले रुग्णालयातील दाखल असलेले रुग्ण आणि त्यांच्या मृत्यू दराची तुलना करण्यात आली आहे. या संशोधनातील परिणाम चिंताजनक असल्याचे तज्ज्ञांनी म्हटले.
तज्ज्ञ डेविड स्ट्रेन यांनी सांगितले की, या विषाणू वेगाने फैलावत आहे. त्यामुळे करोनाची बाधा न होण्याचा कमी धोका असलेल्या व्यक्तीदेखील करोनाच्या विळख्यात अडकत आहेत. करोनाची सर्वाधिक लागण झालेल्यांमध्ये पुरुषांची संख्या मोठी होती. आता मात्र, पुरुष आणि स्त्रियांचे प्रमाण ५०-५० टक्के आहे. ब्रिटनमध्ये विषाणूचे आतापर्यंत ४० लाख प्रकरणे समोर आली आहेत. त्याशिवाय एक लाख १७ हजारजणांना प्राण गमवावे लागले आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
