वाचा:
खासदार रक्षा खडसे यांची बुधवारी रात्री प्रकृती बिघडली होती. डॉक्टरांच्या सल्ल्यानुसार त्यांनी करोनाची चाचणी करून घेतली. या चाचणीचा अहवाल पॉझिटिव्ह आला आहे. आपल्याला करोनाची लागण झाली असून, आपली प्रकृती स्थिर आहे. वैद्यकीय सल्ल्यानुसार आपण उपचार घेत असून, माझ्या संपर्कात आलेल्यांनी आपली करोनाची चाचणी करून घ्यावी, आपली काळजी घ्यावी, असे आवाहन रक्षा खडसे यांनी आपल्या ट्विटर हँडलवरून केले आहे.
वाचा:
राष्ट्रवादी काँग्रेसचे प्रदेशाध्यक्ष व राज्याचे जलसंपदा मंत्री जयंत पाटील हे देखील करोना बाधित झाले आहेत. जयंत पाटील नुकतेच जळगाव जिल्ह्याच्या दौऱ्यावर आले होते. राष्ट्रवादी परिवार संवाद यात्रेनिमित्त त्यांनी जिल्ह्याचा दौरा करून ठिकठिकाणी सभा व आढावा बैठका घेतल्या होत्या. आता ते करोना बाधित आल्याने जळगाव जिल्हा राष्ट्रवादी कॉंग्रेसमध्ये एकच खळबळ उडाली आहे. त्यांच्या तीन दिवसीय दौऱ्यात शेकडो जण त्यांच्या संपर्कात आले आहेत. त्यामुळे राष्ट्रवादीच्या नेत्यांसह पदाधिकाऱ्यांनी धास्ती घेतली आहे.
लसीकरणानतंर उपजिल्हाधिकारी भारदे यांनाही लागण
जळगाव महसूल उपजिल्हाधिकारी रवींद्र भारदे यांना कोरोनाची लागण झाली आहे. भारदे यांनी १५ दिवसांपूर्वी कोरोना लसीचा पहिला डोस घेतला होता. गेल्या दोन दिवसांपासून त्यांना खोकल्याचा त्रास जाणवत होता. त्यांनी कोरोना तपासणी केली असता रिपोर्ट पॉझिटिव्ह आला. ते घरीच उपचार घेत आहेत.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
