… तर सरकारला नाईलाजाने लॉकडाउनचा विचार करावा लागेल: यड्रावकर

मुंबई: () नियंत्रणात येत आहे असे वाटत असताना या महासाथीने राज्यात पुन्हा डोके वर काढल्याने चिंतेचे वातावरण पसरले आहे. अमरावतीत एक दिवसाचा (Lockdown) जाहीर करण्यात आला असून आणखी काही जिल्ह्यांमध्ये लॉकडाउन लागण्याची शक्यता आहे. राज्य सरकारच्या अनेक मंत्र्यांनी लॉकडाउन किंवा कठोर नियमांच्या अंमलबजावणीबाबत भाष्य केले आहे. गेल्या काही दिवसांपासून सतत करोना बाधित रुग्णांची संख्या वाढत असून ती अशीच वाढत राहिल्यास नाईलाजाने सरकारला लॉकडाउनचा विचार करावा लागेल, असे मत आरोग्य राज्यमंत्री () यांनी देखील व्यक्त केले आहे. सध्याची स्थिती पाहता मास्कचा वापर, हात धुणे आणि अंतर पाळणे या त्रिसूत्रीची आठवण जनतेला करून द्यावी लागेल, असेही यड्रावकर यांनी म्हटले आहे. करोनाची स्थिती लक्षात घेता जनतेने काळजी घ्यावी, असे आवाहनही त्यांनी केले आहे. (if the number of corona patients continues to rise, the government will have to think about says yadravkar)

गेल्या महिन्याभरातील आजची सर्वाधिक रुग्णवाढ

गेल्या काही दिवसांपासून करोना बाधित रुग्णांची संख्या झपाट्याने वाढत आहे. तसेच दिवसभरात बरे होणाऱ्या रुग्णांपेक्षा नव्याने निदान होणाऱ्या रुग्णांची संख्या अधिक आहे. यामुळे चिंतेत अधिक भर पडत आहे. आज राज्यात ५ हजार ४२७ नवीन रुग्णांचे निदान झाले आहे. ही महिन्याभरातील सर्वात मोठी वाढ आहे. गेल्या महिन्याभरात ही संख्या दोन हजार ते तीन हजारच्या दरम्यान मर्यादित होती.

ही परिस्थिती लक्षात घेत राज्यमंत्री यड्रावकर यांनी जनतेला त्रिसूत्रीची पुन्हा आठवण करून देतानाच राज्य सरकारला नाईलाजाने लॉकडाऊनबाबत विचार करावा लागेल असे मत व्यक्त केले आहे.

क्लिक करा आणि वाचा-

मुंबईत करोनाबाबत नव्या गाइडलाइन्स जारी

करोना रुग्णवाढीवर नियंत्रण मिळवण्याच्या उद्देशाने मुंबई महानगरपालिकेने कठोर पावले टाकत करोनासंदर्भात मार्गदर्शक सूचना जाहीर केल्या आहेत. या सूचनांनुसार पाचपेक्षा अधिक रुग्ण आढळणारी इमारत सील केली जाणार आहे. त्याच प्रमाणे गृह विलगीकरण केल्या जाणाऱ्या राहिवाशांच्या हातावर शिक्के मारले जाणार आहेत. विना मास्क फिरणाऱ्यांविरुद्धही दंडात्मक कारवाई केली जाणार आहे.

क्लिक करा आणि वाचा-

तसेच मंगल कार्यालये, क्लब, उपहारगृहे या ठिकाणी अचानक भेट देत पाहणी केली जाणार आहे. मुंबई महानगरपालिकेचे आयुक्त इक्बालसिंह चहल यांनी याबाबतचे स्पष्ट आदेश दिले आहेत.

क्लिक करा आणि वाचा-