चीनहून काही दिवसांपूर्वी परतलेल्या केरळमधील एका व्यक्तीला करोना विषाणूची लागण झाल्याचं रविवारी स्पष्ट झालं. करोना विषाणूची लागण झालेला हा भारतातील दुसरा रुग्ण आहे. त्याला रुग्णालयात दाखल केले आहे. त्याला विशेष देखरेखीखाली ठेवण्यात आलं आहे.
आरोग्य मंत्रालयाच्या माहितीनुसार, रुग्णाला करोना विषाणूची लागण झाली आहे. त्याला रुग्णालयातील विशेष विभागात ठेवण्यात आलं आहे. रुग्णाची प्रकृती स्थिर आहे. केरळमध्ये याआधीही करोना विषाणूची लागण झालेला रुग्ण आढळला होता.
मुंबई विमानतळावर ५ हजारांहून अधिक प्रवाशांची तपासणी
मुंबई आंतरराष्ट्रीय विमानतळावर बाधित भागातून येणाऱ्या प्रवाशांची थर्मल तपासणी सुरू असून आतापर्यंत ५,१२८ प्रवासी तपासण्यात आले आहेत. त्यापैकी चार प्रवासी महाराष्ट्रातील आहेत. क्षेत्रीय सर्वेक्षणात आढळलेले आणखी ३४ प्रवासी असे एकूण ३८ प्रवासी बाधित भागातून आलेले आहेत. सर्व प्रवाशांचा त्यांच्या आरोग्यस्थितीबाबत नियमित पाठपुरावा करण्यात येत आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
