कल्याण: डोंबिवलीमध्ये सुरु असलेल्या रुणवालच्या माय सिटी गृहप्रकल्पाच्या फेज २ मध्ये कामगारांसाठी उभारण्यात आलेल्या कामगार वसाहतीला आज पहाटेच्या सुमारास अचानक आग लागली असून काही क्षणातच आगीने रौद्ररूप धारण केले. या घटनेत एका कामगाराचा मृत्यू झाला आहे.

वसाहतीत कामगारासाठी १२० खोल्या उभारण्यात आल्या होत्या या सर्व खोल्या आगीच्या भक्षस्थानी पडल्या. आग लागताच कामगारांनी जीव वाचविण्यासाठी पळ काढला. मात्र तरीही या आगीत एका कामगाराचा दुर्दैवी मृत्यू झाला असून एक कामगार आगीत भाजल्याने गंभीररित्या जखमी झाला आहे. या कामगाराला उपचारासाठी दाखल करण्यात आले आहे.

वाचाः

या आगीत कामगाराच्या वसाहतीतील सर्व सामानाची राखरांगोळी झाल्याने मोठ्या प्रमाणात नुकसान झाले असून कामगारांनी सदर कंपनीकडे नुकसान भरपाईची मागणी केली आहे. दरम्यान घटनेची माहिती मिळताच अग्निशमन दलाच्या दोन गाड्यानी तातडीने धाव घेत या आगीवर नियंत्रण मिळवले असून प्राथमिक तपासणीत ही आग शॉर्ट सर्किटमुळे लागल्याचा अंदाज व्यक्त करण्यात येत असून पुढील तपास सुरु असल्याचे अधिकार्यांनी सांगितले.

वाचाः

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here