दौंड तालुक्यातील वाळकी येथील २४ वर्षीय तरूण हा २१ फेब्रुवारी रोजी मध्यरात्री अडीचच्या सुमारास वाळकी येथून वडगाव धायरी येथे टेम्पोमधून ऊसाचे वाढे घेऊन जात होता. त्यावेळी त्याच्यासोबत मित्रही होता. येरवडा येथील फायर ब्रिगेडच्या कार्यालयाजवळ रस्त्यावर अचानक आठ ते नऊ जण दुचाकीवरून आले. त्यांनी दुचाकी टेम्पोला आडव्या घातल्या.
आठ ते नऊ जणांनी टेम्पोतून तरुणासह त्याच्या मित्राला उतरवले आणि लाथाबुक्क्यांनी केली. त्यांच्याकडील ३ हजार रुपये रोख आणि मोबाइल काढून घेतले. एकूण २४.,५०० रुपयांचा ऐवज लुटला. टेम्पोच्या काचा फोडल्या. त्यानंतर आरोपी तेथून पसार झाले. या प्रकरणी तरुणाने येरवडा पोलीस ठाण्यात तक्रार दाखल केली. पोलिसांनी आठ ते नऊ अनोळखी चोरट्यांविरोधात गुन्हा दाखल केला आहे. या प्रकरणाचा तपास सुरू असल्याचे पोलिसांनी सांगितले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
