वाचा:
येथील बीएचआर पतसंस्थेत अवसायकाच्या काळात झालेल्या गैरव्यवहार प्रकरणी पुण्यातील डेक्कन, आळंदी व शिक्रापुर या तीन पोलीस ठाण्यांत गुन्हे दाखल आहेत. यातील डेक्कन पोलीस ठाण्यात रंजना घोरपडे यांनी दिलेल्या फिर्यादीवरुन दाखल गुन्ह्यात पोलिसांनी ८९ व्या दिवशी तपास पूर्ण करून अतिरीक्त सत्र न्यायाधीश एस. एस. गोसावी यांच्या न्यायालयात दोषारोपपत्र सादर केले. यात सीए , विवेक ठाकरे, धरम सांखला, कमलाकर कोळी व सुजित वाणी या पाच जणांविरुद्ध दोषारोप सादर ठेवण्यात आले आहेत. यातील कमलाकर कोळी हा जामिनावर मुक्त आहे तर इतर चारही जण सध्या पुण्याच्या येरवडा कारागृहात न्यायालयीन कोठडीत आहेत. दोषारोपपत्र सादर करतेवेळी सरकारी वकील प्रवीण चव्हाण, आर्थिक गुन्हे शाखेच्या उपायुक्त भाग्यश्री नवटके, पोलीस निरीक्षक सुचिता खोकले, त्रयस्थ अर्जदार अॅड. अक्षता नायक उपस्थित होते. या प्रकरणात याचा शोध पोलीस घेत असून त्याचा अटकेतील मुलगा सूरज झंवर याचे नाव दोषारोपपत्रात समाविष्ट करण्यात आलेले नाही.
वाचा:
पाच मालमत्ता सील
यापूर्वीच आर्थिक गुन्हे शाखेच्या पथकाने बीएचआरच्या पुण्यातील निगडी, घोलेरोड, आंबेगाव व पिंपरी चिचंवड तसेच जळगाव जिल्ह्यातील जामनेर येथील एक अशा पाच मालमत्ता सील केल्या आहेत. या मालमत्तांची किंमत ४८ कोटी ५६ लाख रुपये आहे. संबधित संशयितांनी ही मालमत्ता केवळ ७ कोटी ४५ लाख ४४ हजार रुपयांत विकल्याचा ठपका ठेवण्यात आला आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
