पुणे, पिंपरी -चिचंवड आणि पुणे ग्रामीण या तिन्ही पोलिस दलांच्या नाकावर टिच्चून गँगस्टर गजा मारणे (Gajanan Marne) हा वडगाव मावळकोर्टात आज गुरूवारी हजर झाला. तळेगाव पोलिस ठाण्यात (Talegaon Police Station) असलेल्या गुन्ह्यात त्याने कोर्टातून जामीनही मिळवला आणि आल्या पावलाने तो गायब झाला. मारणे विरुद्ध कारवाई करण्याच्या भीमगर्जना करणाऱ्या पोलिस दलांना तो एकीकडे सापडत नाही तर त्याचवेळी दुसरीकडे मात्र तो कोर्टात जामीनही मिळवत असल्याने पोलिसांच्या कार्यक्षमतेवरच प्रश्नचिन्ह उपस्थित झाले आहे. (gangster appears in court and gets bail)
तळोजा जेलमधून सुटल्यानंतर मारणे याने रॅली काढून शक्ती प्रदर्शन केले होते. या शक्ती प्रदर्शाने व्हीडीओ व्हायरल झाल्यानंतर पोलिसांवर चुहूबाजुने जोरदार टीका झाली. मारणे मुळे पूर्ण पोलिस खात्याचीच अब्रु निघाल्यानंतर त्याच्यावर विविध पोलिस ठाण्यात अर्धा डझनभर गुन्हे दाखल करण्यात आले आहे. पुणे, पिंपरी -चिचंवड आणि पुणे ग्रामीण पोलिस दलात त्याच्यावर गुन्हे दाखल असून पोलिसांकडून त्याचा शोध घेण्यात येत आहे.
क्लिक करा आणि वाचा-
पुणे पोलिसांनी तर गजा पसार झाल्याचे प्रसिद्धीस देत त्याचा शोध सुरू असल्याचे दंड थोपटून सांगितले होते. मात्र, गेली आठ दिवसांपासून अधिक काळ तो पोलिसांना सापडला नाहीच. उलट तो कोर्टात हजर होऊन त्याने जामीनही मिळवल्याने आश्चर्य व्यक्त करण्यात येत आहे. कोर्टाने त्याची १५ हजार रुपयांच्या जात मुचकल्यावर सुटका केल्यानंतर तो आल्या पावलाने पुन्हा एकदा गायबही झाल्याने पोलिसांच्या कार्यक्षमतेवरच प्रश्नचिन्ह उपस्थित झाले आहेत.
क्लिक करा आणि वाचा- क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
