बिस्वाल यांच्या जागी दक्षिण पूर्वचे नवे पोलीस उपायुक्त म्हणून कुमार ज्ञानेश यांची नियुक्ती करण्यात आली आहे. कुमार ज्ञानेश हे दक्षिण पूर्व दिल्लीचे वरिष्ठ अतिरिक्त पोलीस उपायुक्त होते. त्यांनाही तात्काळ पदभार स्वीकारण्याचे आदेश देण्यात आले आहेत. दिल्लीत सध्या विधानसभा निवडणुका सुरू आहेत. त्यातच दिल्लीत नागरिकत्व दुरुस्ती कायद्याविरोधात आंदोलनही सुरू आहेत. त्यामुळे दिल्लीतील राजकीय वातावरण तापलेलं असतानाच जामिया परिसरात आठवडा भरात सलग दुसऱ्यांदा गोळीबार करण्याची घटना घडली. त्यामुळे खबरदारीचा उपाय म्हणून निवडणूक आयोगाने बिस्वाल यांची तातडीने बदली केली आहे. त्यासाठी सध्याच्या परिस्थितीचं कारणही देण्यात आलं आहे. शिवाय निवडणुकीच्या पार्श्वभूमीवरही हा निर्णय घेण्यात आला आहे.
दिल्लीत
विरोधी सुरू असलेल्या आंदोलनादरम्यान झालेली गोळीबाराची ही दुसरी घटना आहे. गुरुवारी ‘जामिया मिलिया इस्लामिया’च्या परिसरातही गोळीबार झाला होता. रामभक्त गोपाल असे नाव सांगणाऱ्या इसमाने निदर्शकांवर गोळी चालवली होती. त्यात एक विद्यार्थी जखमी झाला होता. पोलिसांच्या डोळ्यांदेखत ही घटना घडली होती. या घटनेनंतर दिल्लीतील कायदा-सुव्यवस्थेवरून पोलिसांवर टीका झाली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
