शेतकरी आंदोलन; राकेश टिकैत यांनी दिला मोठा इशारा, 'आता गोदामं…'

करोलीः राजस्थानमधील करोली जिल्ह्यात शेतकरी नेते राकेश टिकैत ( ) यांनी शेतकऱ्यांची सभा घेतली. हजारो शेतकरी या सभेला उपस्थित होते. कृषी कायद्यांना विरोध () करणारे आणि शेतकरी आंदोलनाला ( ) पाठिंबा देणाऱ्यांनी या शेतकरी सभेचं आयोजन केलं होतं. करोली जिल्ह्यातील टोडाभीममधील करीरी गावात ही सभा झाली. या सभेत राकेश टिकैत यांच्यासह योगेंद्र यादव आणि जाट नेते राजाराम मील यांनीही भाषण केलं. ४० लाख ट्रॅक्टरचा दिल्लीवर मोर्चा काढण्याचा इशारा टिकैत यांनी पुन्हा दिला. यासोबतच आले पुढचे लक्ष्य आता गोदाम असतील. गोदामं फोडले जातील. सरकारने गोदामांचं अधिग्रहण करावं अन्यथा व्यापाऱ्यांची गोदामं फोडू, असा इशारा टिकैत यांनी दिला.

‘प्रत्येक घरातून एक सदस्य पाठवा’

२४ मार्चपर्यंत विविध ठिकाणी सभा घेण्यात येणार आहेत. यानंतर आसाम, कर्नाटक आणि इतर राज्यांमध्येही जाणार आणि आंदोलन करणार. आंदोलनाचा कुठल्याही राजकीय पक्षाशी संबंध नाही. शेतकऱ्यांचे आंदोलन दीर्घकाळ चालणार आहे. यामुळे शेतकऱ्यांनी त्यासाठी तयार रहावं. तसंच शेतकरी आंदोलनात प्रत्येक घरातील एका सदस्याने सहभागी व्हावं, असं आवाहन टिकैत यांनी केलं.

शेतकऱ्यांशी चर्चा करण्यास तयारः तोमर

कृषी कायद्यांविरोधात आंदोलन करणाऱ्या शेतकरी संघटनांच्या नेत्यांसोबत आतापर्यंत १२ वेळा चर्चा केली आहे. सरकार शेतकऱ्यांसोबत कधीही चर्चेस तयार आहे. कृषी कायद्यांवर सुप्रीम कोर्टात सुनावणी सुरू असल्याने या कायद्यांची अंमलबजावणी करता येणार नाही. तसंच सुप्रीम कोर्टाने या प्रकरणी समितीही नेमली आहे. या समितीचा अहवाल अजून आलेला नाही, असं केंद्रीय कृषीमंत्री नरेंद्र सिंह तोमर ( ) म्हणाले.