लंडनमध्ये चाकूहल्ला; हल्लेखोर 'अतिरेकी' ठार

लंडन:
दक्षिण लंडनच्या स्ट्रेटम भागात रविवारी एका हल्लेखोराने अनेक लोकांवर चाकूने हल्ला केला. नंतर या हल्लेखोराला पोलिसांनी गोळी घालून ठार केले. लंडन पोलिसांनी याला दहशतवादाशी संबंधित हल्ला म्हटलं आहे.

या हल्ल्यात अनेक लोक जखमी झाले आहेत. घटनेची माहिती मिळताच मेट्रोपोलिटन पोलीस तत्काळ घटनास्थळी पोहोचले. त्यांनी आधी हा परिसर निर्मनुष्य केला, लोकांना त्या भागातून न जाण्याचे आवाहन केले.

पोलिसांनी दिलेल्या माहितीनुसार, ‘स्ट्रेटममध्ये पोलीस अधिकाऱ्यांनी या हल्लेखोराला गोळीबार करून ठार केले. त्याने अनेक लोकांना सुऱ्याने वार करून जखमी केले आहे. या संपूर्ण प्रकरणाचा तपास केला जात आहे. हल्लेखोराला दहशतवादी ठरवण्यात आलं आहे.’