'हिम्मत असेल तर खोपकरना अटक करून दाखवाच'; मनसे खवळली

मुंबई: मराठी भाषा दिनानिमित्त मनसेने आयोजित केलेल्या स्वाक्षरी मोहिमेला पोलिसांनी परवानगी नाकारत आयोजक () यांना नोटीस बजावली आहे. पोलिसांच्या या पवित्र्यामुळे (MNS) राज्य सरकारवर चांगलीच खवळली आहे. यावरून संतप्त झालेले मनसेचे सरचिटणीस (Sandeep Deshpande) यांनी सरकारला इशारा दिला आहे. ‘हिम्मत असेल तर अमेय खोपकर यांना अटक करून दाखवाच’, असे देशपांडे यांनी म्हटले आहे. यावरून मनसे विरुद्ध शिवसेना () असा संघर्ष उफाळून येतो की काय अशी चर्चा राजकीय वर्तुळात रंगली आहे. (if you have the courage arrest ameya khopkar leader ‘s challenge to the state government)

कोविडचा प्रसार होऊ नये यासाठी सरकारने जी नियमावली आखून दिली आहे, त्या नियमांचे काटेकोर पालन करून मनसेने ‘मराठी भाषा दिन’ हा कार्यक्रम आयोजित केला होता, असे अमेय खोपकर यांनी सरकारवर टीकास्त्र सोडताना म्हटले आहे. सरकारने या कार्यक्रमाला कोविड प्रसाराचं कारण देत परवानगी तर नाकारलीच, वर कारवाईचा धाक दाखवला, असे सांगत ज्यांच्यावर गंभीर आरोप आहेत अशा संजय राठोड यांच्यासारख्या मंत्र्याचे समर्थन लाखोंच्या संख्येने एकत्र येऊन शक्तीप्रदर्शन करतात, अशा गर्दीवर कारवाई करण्याची ज्यांच्यात धमक नाही, त्यांच्या डोळ्यात मराठी भाषा दिन का खुपतो?, असा सवाल खोपकर यांनी सरकारला विचारला आहे.

क्लिक करा आणि वाचा- ‘आमचा कार्यक्रम आम्ही करणारच’

महाबिघाडी सरकारचे डोके ठिकाणावर नाही यावर शिक्कामोर्तब झाले असून यापुढे जाऊन आता शंका यायला लागली आहे की, हे सरकारच अमराठी आहे की काय?, असा सवाल उपस्थित करत खोपकर यांनी सरकारवर ताशेरे ओढले आहेत. आमचा नियोजित कार्यक्रम आम्ही सर्व नियम पाळून करणार म्हणजे करणारच असे आम्ही ठणकावून सांगत असल्याचेही खोपकर यांनी सरकारला बजावून सांगितले आहे.

क्लिक करा आणि वाचा- क्लिक करा आणि वाचा-