पुण्यात करोनाचे रुग्ण वाढताहेत, अजित पवार घेणार 'हा' निर्णय

शासकीय अभियांत्रिकी महाविद्यालयात उभारण्यात आलेल्या जम्बो सेंटरची (Jumbo Center) मुदत २८ फेब्रुवारीला संपणार असून, करोनाची () वाढती रुग्णसंख्या लक्षात घेऊन आणखी तीन महिने सुरू ठेवण्याबाबत निर्णय घेण्यात येणार आहे. आगामी काळात रुग्ण आणखी वाढल्यास खासगी रुग्णालयांमध्ये उपचाराची व्यवस्था करण्याचे निर्देश उपमुख्यमंत्री आणि जिल्ह्याचे पालकमंत्री (Ajit Pawar) यांनी दिले आहेत. ( will take decision to extend term of for another three months)

करोनाबाबतच्या सद्यस्थितीचा आढावा उपमुख्यमंत्री पवार यांनी बारामती होस्टेल येथे घेतला. या बैठकीला विभागीय आयुक्त सौरभ राव, जिल्हाधिकारी डॉ. राजेश देशमुख, पुणे महापालिकेचे आयुक्त विक्रम कुमार, पिंपरी-चिंचवड महापालिकेचे आयुक्त राजेश पाटील आदी उपस्थित होते.

या बैठकीत झालेल्या निर्णयांबाबत विभागीय आयुक्त राव यांनी माहिती दिली. ते म्हणाले, ‘जम्बो सेंटर उभारण्यासाठी नेमलेल्या कंत्राटदाराची मुदत २८ फेब्रुवारी रोजी संपणार आहे. मात्र, रुग्णसंख्या वाढत असल्याने जम्बो सेंटर सुरू ठेवण्याबाबत निर्णय घेण्याचे आदेश उपमुख्यमंत्री पवार यांनी दिले आहेत. त्यानुसार जम्बो सेंटर आणखी तीन महिने सुरू ठेवण्याबाबतचा निर्णय घेतला जाणार आहे’

क्लिक करा आणि वाचा-

‘गेल्या वर्षी रुग्णसंख्या वाढल्यामुळे जम्बो सेंटरमध्ये ऑक्सिजनयुक्त खाटा आणि आसीयू खाटा होत्या. आता या सेंटरमध्ये फक्त ऑक्सिजनयुक्त खाटा ठेवायच्या की, ऑक्सिजनयुक्त खाटा आणि आसीयू खाटा दोन्ही ठेवायच्या याबाबत निर्णय घेण्यात येणार आहे’ असे राव यांनी स्पष्ट केले.
‘रूग्णसंख्या वाढत असल्याने खासगी रुग्णालयांची सेवा घेण्याबाबत बैठकीत चर्चा करण्यात आली त्यानुसार खासगी रुग्णालयांमध्ये उपचाराची व्यवस्था करण्याचे निर्देश उपमुख्यमंत्री पवार यांनी दिले आहेत.

क्लिक करा आणि वाचा-
खासगी रुग्णालयांनी महात्मा फुले जन आरोग्य योजनेंतर्गत रुग्णांवर उपचार केले आहेत. त्यांची प्रलंबित असलेली वैद्यकीय बिले देण्याचाही सूचना पालकमंत्री पवार यांनी दिल्या आहेत’ असे राव यांनी सांगितले.

क्लिक करा आणि वाचा-

मास्क न घालणाऱ्यांविरुद्ध संयुक्त कारवाई

‘मास्क न घालणाऱ्या नागरिकांविरुद्ध दंडात्मक कारवाई करण्याची मोहीम जोराने सुरू केली जाणार आहे. त्यासाठी महसूल विभाग, राज्य उत्पादन शुल्क विभाग, महापालिका आणि पोलिस या चार विभागांच्या वतीने संयुक्त कारवाई केली जाणार आहे’ अशी माहिती राव यांनी दिली.