अनिता तुकाराम कोरे (वय ३२, रा. मांगडेवाडी, कात्रज) असे खून झालेल्या महिलेचे नाव आहे. अनिता यांचा खून करून तुकाराम गंगाराम कोरे (वय ४०) यांनी घरात गळफास घेऊन आत्महत्या केली. याबाबत जगदेवी तुकामार कोरे (वय ३८) यांनी तक्रार दिली आहे. पोलिसांनी दिलेल्या माहितीनुसार, तुकाराम व जगदेवी हे पती-पत्नी आहेत. नऊ महिन्यांपूर्वी तुकाराम याने जगदेवी यांच्या बहिणीसोबत घरातच गळ्यात हार घालून विवाह केला होता. तेव्हापासून दोघे जण एकत्र राहत होते. मात्र, गेल्या तीन महिन्यांपासून आरोपी अनिता यांच्या चारित्र्यावर संशय घेत होता. त्यातून त्यांच्यात सतत वाद सुरू होते. शुक्रवारी रात्री याच कारणावरून त्यांच्यात वाद झाले. त्यावेळी तुकाराम याने कुऱ्हाडीने वार करून त्यांचा खून केला. त्यानंतर घरात साडीने गळफास घेऊन आत्महत्या केली. शनिवारी त्यांनी दरवाजा न उघडल्यामुळे शेजाऱ्यांनी चौकशी केली. त्यानंतर त्यांनी पोलिसांना कळवले. पोलिसांनी घर उघडून पाहिल्यानंतर हा प्रकार समोर आला आहे. या प्रकरणी भारती विद्यापीठ पोलिस अधिक तपास करत आहेत.
कोथरूडमध्ये खुनाची घटना
कोथरूड मधील मतिमंदासाठी असलेल्या संस्थेच्या दुसऱ्या मजल्यावरून एका मतिमंद महिलेला अल्पवयीन मुलीने ढकलून दिले. यात महिलेचा मृत्यू झाल्याची धक्कादायक घटना उघडकीस आली आहे. या प्रकरणी कोथरूड पोलीस ठाण्यात खुनाचा गुन्हा दाखल करण्यात आला आहे. डावी भुसारी कॉलनी येथील एका नामांकित संस्थेच्या इमारतीमध्ये शुक्रवारी सायंकाळी ही घटना घडली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
