मुंबई : म्युच्युअल फंड उद्योगाने अलिकडच्या काळात , सामाजिक आणि गव्हर्नन्स (Environmental, Social, Governance) या क्षेत्रावर आपलं लक्ष केंद्रित केलं आहे. इन्व्हेस्को म्युच्युअल फंडाने याच क्षेत्रावर आधारित ईएसजी इक्विटी फंडाची घोषणा केली आहे. या फंड २६ फेब्रुवारी रोजी खुला झाला असून १२ मार्चपर्यंत यात गुंतवणूक करता येईल. या योजनेत किमान एक हजार रुपयांची गुंतवणूक करता येईल.

सध्या पर्यावरण, सामाजिक आणि गव्हर्नन्स या क्षेत्राची चर्चा आहे. कोणत्याही कंपनीची आर्थिक घटकांचे मूल्यांकन कारण्याबरोबरच त्या कंपनीच्या ईएसजी घटकांचे आकलन केले जाते ज्यावरून कंपनीवर काय परिणाम होणार याचा अंदाज बांधला जातो. सध्या जगभरात अशा प्रकारची मूल्यांकन पद्धती अवलंबली जात आहे.

इन्व्हेस्को ESG इक्विटी फंडाचा उद्देश ८० ते १०० टक्के निधी हा इक्विटी आणि इक्विटीशी संबंधित पर्ययांमध्ये गुंतवणूक करून मालमत्ता वृद्धी करण्याचा आहे. यासाठी कंपन्यांची निवड एका प्राॅप्ररायटरी इन्व्हेस्टमेंट फ्रेमवर्कनुसार केली जाते. या योजनेत किमान एक हजारांची गुंतवणूक करता येऊ शकते. दर महा नियोजनबद्ध गुंतवणूक (SIP) ५०० रुपयांपासून करता येईल, असे इन्व्हेस्कोने म्हटलं आहे.

इन्व्हेस्को ESG इक्विटी फंडात शेअरची निवड नीचांकी पातळीच्या आधारे केली जाते. या फंडातील सर्वाधिक गुंतवणूक मोठ्या शेअरमध्ये (लार्ज कॅप) केली जाते. त्याचबरोबर मिड आणि स्मॉल कॅप कंपन्यांमध्ये ३५ टक्क्यांपर्यंत गुंतवणूक केली जाते. या श्रेणीतील फंडांसाठी बेंचमार्क निफ्टी १० एन्हान्स ESG इंडेस्क आहे. इन्व्हेस्को ESG इक्विटी फंडाचे व्यवस्थापन ताहेर बादशाह आणि अमित निगम करणार आहेत. ताहेर यांना इक्विटीमध्ये गुंतवणूक करण्याचा २६ वर्षांचा अनुभव आहे.

गेल्या काही महिन्यांपासून समाज पर्यावरण आणि इतर घटकांबाबत जागरूक झाला आहे. त्यामुळे फंड उद्योगाचा अंदाज आहे की भविष्यात पर्यावरण, सामाजिक आणि गव्हर्नंसमध्ये उच्च दर्जाचे पालन केले जाईल. जागतिक पातळीवर देखील गुंतवणूकदार ESG फंडात गुंतवणूक करत आहेत. तसेच यातील घटकांचा विचार करून त्यातील जोखीमचा अंदाज घेतला जात आहे.

एक जबाबदार गुंतवणूक कंपनी म्हणून आम्ही ईसीजी क्षेत्रात गुंतवणूक करून त्याबद्दल कटिबद्ध असल्याचे इन्व्हेस्को म्युच्युअल फंडाचे मुख्य कार्यकारी अधिकारी सौरभ नानावटी यांनी सांगितले. जागतिक पातळीवर ईएसजी जागरूक आणि ईएसजी समावेशक होण्यामध्ये एक मोठे अंतर आहे. पर्यावरणाचे उल्लंघन करणाऱ्या कंपन्यांवर दंडात्मक कारवाई होत आहे. पर्यावरण, सामाजिक आणि गव्हर्नंसला महत्व येणार आहे. मात्र इन्व्हेस्को ESG इक्विटी फंडात गुंतवणूकदारांना ईएसजी क्षेत्रात गुंतवणुकीची संधी देतो, असे त्यांनी सांगितले. या फंडात गुंतवणूक करून जबाबदार गुंतवणूकदार बनू शकतात असे नानावटी यांनी सांगितले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here