वाचा:
वीर सावरकरांना भारतरत्न देण्याच्या मुद्द्यावरून मुख्यमंत्री ठाकरे यांनी भाजपला लक्ष्य केले. वीर सावरकरांवर खूप प्रेम असल्याचं भाजपकडून वारंवार दाखवलं जातं मात्र, त्यांना भारतरत्न काही दिला जात नाही. सावरकरांना भारतरत्न द्या, अशी मागणी करणारी दोन पत्रं पाठवली पण त्यावर काहीच झालं नाही. भारतरत्न कोण देऊ शकतो, आमदारांची कमिटी तर हा पुरस्कार देऊ शकत नाही! हा अधिकार पंतप्रधान कार्यालयाला आहे. त्यांनी तो द्यायला हवा पण ते देत नाहीत, असे नमूद करत उद्धव ठाकरे यांनी निशाणा साधला. त्यानंतर अहमदाबादमधील स्टेडियमच्या नामांतराकडे उद्धव ठाकरे यांनी आपला मोर्चा वळवला.
वाचा:
असतील नाहीतर सावरकर असतील, सर्व महापुरुषांना भाजप आपलं म्हणतं पण प्रत्यक्षात कृती मात्र वेगळीच केली जाते. आता गुजरातमध्ये सरदार पटेलांचे नाव बदलून स्टेडियमला नरेंद्र मोदी यांचे नाव देण्यात आले आहे. म्हणजे आता भारतीय संघ एकही सामना गमावणार नाही, असे म्हणायला हरकत नाही, असा टोला मुख्यमंत्र्यांनी लगावला. आम्ही विमानतळाला छत्रपती शिवाजी महाराजांचे नाव दिले आहे आणि त्यांनी सरदार पटेलांचे नाव स्टेडियमवरून पुसून टाकले आहे, हा आमच्यात आणि त्यांच्यात फरक आहे, अशा शब्दांत मुख्यमंत्र्यांनी भाजपवर टीकास्त्र सोडले.
वाचा:
आम्हाला तुमच्याकडून हिंदुत्व शिकण्याची गरज नाही, असे सांगत औरंगाबादचे आम्ही करणारच असे मुख्यमंत्र्यांनी स्पष्ट केले. औरंगाबाद विमानतळाचे नाव संभाजीनगर करण्याचा निर्णय झाला पण तो केंद्राने अडवून ठेवला आहे, असा आरोपही मुख्यमंत्र्यांनी केला. केवळ भारत माता की जय म्हटलं म्हणजे देशप्रेम सिद्ध होत नाही, असे नमूद करताना संघमुक्त भारताची हाक देणाऱ्या नितीश कुमार यांना तुम्ही आज डोक्यावर घेतले आहे. हे तुमचे हिंदुत्व आहे, असा टोला मुख्यमंत्र्यांनी लगावला. ‘मेरे वतन के लोगो कविता ऐकवलीत… मी म्हणेन, ए महाराष्ट्र के लोगो, पोछ लो आँख का पानी, जो झूट बोले उनकी खतम करो बेईमानी’, असा टोलाही मुख्यमंत्र्यांनी हाणला. भाषणामध्ये यमक नाही तर काम करण्याची धमक पण लागते. ती आमच्यात आहे, असे खडेबोल मुख्यमंत्र्यांनी यांना सुनावले.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
