पंतप्रधान मोदींचे ( ) फोटो असलेल्या सरकारी योजनांच्या जाहिरातींच्या होर्डिंगमुळे आचारसंहितेचं उल्लंघन होत आहे. यामुळे ही होर्डिंग ७२ तासांच्या आत हटवा, असे निर्देश निवडणूक आयोगाने दिले आहेत. यावर प्रकरणी तृणमूल काँग्रेसच्या शिष्ठमंडळाने बुधवारी निवडणूक आयोगाची भेट घेतली होती. एवढचं नव्हे तर पश्चिम बंगालमध्ये करोनावरील लस घेतल्यानंतर पंतप्रधान मोदींचा फोटो असेलेल प्रमाणपत्र दिले जात असल्याने त्यावरूनही सत्ताधारी तृणमूल काँग्रेसने आक्षेप घेतल आहे.
करोनावरील लसीकरणाचे प्रमाणपत्र आणि पेट्रोल पंपांवरील पंतप्रधान मोदींचे फोटो असलेले होर्डिंग हे आचारसंहितेचे उल्लंघन आहे. ते हटवण्यात आले पाहिजे, अशी मागणी तृणमूल काँग्रेसने निवडणूक आयोगाकडे केली आहे. सरकारी यंत्रणेचा दुरुपयोग असल्याचा आरोप शिष्ठमंडळातील पश्चिम बंगाल सरकारचे मंत्री फरहाद हाकिम यांनी केला.
पंतप्रधान नरेंद्र मोदी हे विधानसभा निवडणुकीत भाजपचे स्टार प्रचारक आहेत. राजकीय नेते म्हणून ते जाहीरसभांमधून पक्षासाठी मत मागत आहेत. या पार्श्वभूमीवर पेट्रोल पंप आणि लसीकरण प्रमाणपत्रावरील त्यांच्या फोटोंमुळे मतदार प्रभावित होऊ शकतात. यामुळे हे आचारसंहितेचे उल्लंघन आहे, अशी तक्रार तृणमूल काँग्रेसने निवडणूक आयोगाकडे केली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
