वाचा:
राज्याचे अर्थसंकल्पीय अधिवेशन सध्या सुरू आहे आणि येत्या सोमवारी राज्याचा अर्थसंकल्प उपमुख्यमंत्री पवार हे सादर करणार आहेत. त्यात ते व्यस्त असल्याने करोनाच्या आढावा बैठकीला उपस्थित राहणार नाहीत. त्यामुळे विभागीय आयुक्त राव यांच्या अध्यक्षतेखाली आढावा बैठक होणार आहे. या बैठकीला जिल्हाधिकारी डॉ. राजेश देशमुख, पुणे महापालिकेचे आयुक्त विक्रम कुमार, पिंपरी-चिंचवड महापालिकेचे आयुक्त राजेश पाटील; तसेच पोलिस आणि आरोग्य विभागाचे अधिकारी हे उपस्थित राहणार असल्याचे जिल्हा प्रशासनाकडून सांगण्यात आले.
वाचा:
भारतीय विज्ञान शिक्षण आणि संशोधन संस्था (आयसर) आणि टाटा कन्सल्टन्सी सर्व्हिसेस (टीसीएस) या संस्थांकडून रुग्णसंख्या कमी करण्यासाठी कोणत्या उपाययोजना कराव्या लागतील, याबाबत अभ्यास करण्यात येत आहे. त्याचा अहवाल या बैठकीत सादर होण्याची शक्यता आहे. त्यानंतर पुण्यात निर्बंध लागू करायचे की नाहीत, याबाबत बैठकीत ठरविले जाणार आहे. निर्बंध लागू करायचे असल्यास ते कोणत्या प्रकारचे असावेत, याबाबत या बैठकीत चर्चा केली जाणार असल्याचे जिल्हा प्रशासनाकडून स्पष्ट करण्यात आले.
वाचा:
पुण्यामध्ये गेल्या वर्षी सप्टेंबर महिन्याच्या शेवटी सर्वाधिक रुग्णसंख्या होती. सध्याची करोनाबाधितांची संख्या पाहता ही रुग्णसंख्या सप्टेंबर महिन्याच्या तुलनेत निम्म्यापर्यंत जाईल, असा निष्कर्ष ‘आयसर’ आणि ‘टीसीएस’ या संस्थांनी केलेल्या पाहणी अहवालात काढला आहे. रुग्णसंख्या कमी करायची असल्यास, कोणत्या उपाययोजना कराव्या लागतील, याबाबतचा या संस्थांचा अहवाल हा महत्त्वपूर्ण असणार आहे.
दरम्यान, शाळा आणि महाविद्यालये ही १४ मार्चपर्यंत बंद ठेवण्याचा निर्णय यापूर्वीच घेण्यात आला आहे. हॉटेल, रेस्टॉरंट या ठिकाणी फक्त पार्सल सेवा सुरू ठेवणे, बार बंद करणे; तसेच लग्न समारंभ येत्या दोन महिन्यांसाठी बंद ठेवणे या पर्यायांवर या बैठकीत चर्चा होणार असल्याचे सांगण्यात आले.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
