वाचा:
अंबानी यांच्या घराबाहेर स्फोटके आढळल्यानंतर आता या प्रकरणाला वेगळेच वळण लागले आहे. याप्रकरणाचा मुंबई क्राइम ब्रांच तपास करत होती. मात्र, ज्या कारमध्ये स्फोटके आढळली होती त्या कारचे मालक यांचा मृतदेह आज मुंब्रा येथे खाडीत दलदलीत आढळल्याने खळबळ उडाली आहे. यावरून विरोधी पक्षनेते देवेंद्र फडणवीस यांनी विधानसभेत गंभीर आरोप केले. मनसुख हिरेन व क्राइम ब्रांचचे अधिकारी हे संपर्कात होते, असा दावा करतानाच फडणवीस यांनी संपूर्ण घटनाक्रमावरच संशय घेतला व या प्रकरणाचे गांभीर्य पाहता तपास एनआयए कडे देण्यात यावा, अशी मागणी केली. दरम्यान, या प्रकरणाचा गुंता वाढत असतानाच मुंबईच्या पोलीस आयुक्तांनी तातडीने विधानभवन गाठत गृहमंत्री अनिल देशमुख यांना तपशील सादर केला. त्यानंतर गृहमंत्र्यांनी सभागृहात निवेदन दिलं. या प्रकरणाचा तपास करण्यासाठी आमचे पोलीस सक्षम आहेत. एनआयएकडे हा तपास देण्याची गरज वाटत नाही, असे गृहमंत्र्यांनी नमूद केले.
वाचा:
‘मुकेश अंबानी यांच्या ‘अँटिलिया’ निवासस्थानाजवळ स्फोटक पदार्थ सापडलेली स्कॉर्पिओ गाडी मनसुख हिरेन यांच्या ताब्यात होती. ही गाडी सॅम पीटर न्यूटन यांच्या मालकीची होती. हिरेन यांचे गॅरेज आहे. गाडीच्या अंतर्गत सजावटीसाठीचे (इंटिरिअर) गॅरेजचे पैसे मूळ मालकाने दिले नाही म्हणून त्यांची गाडी मनसुख हिरेन यांच्या ताब्यात होती. आज मुंब्रा रेतीबंदर या ठिकणी हिरेन यांचा मृतदेह सापडला. अंगावर कोणत्याही खुणा नाहीत. ठाणे पोलीस त्याची चौकशी करत आहेत. शवविच्छेदन अहवालात सर्व बाबी स्पष्ट होतील’, असेही देशमुख यांनी स्पष्ट केले. सचिन वाझे या अधिकाऱ्याने अर्णब गोस्वामी यांच्यावर अटकेची कारवाई केली त्याचा राग तुमच्या मनात आहे का?, असा खोचक सवालही गृहमंत्री देशमुख यांनी यावेळी फडणवीसांना केला.
वाचा:
देशमुख यांनी नंतर सभागृहाबाहेर येऊन माध्यमांशी थोडक्यात संवाद साधला. यावेळी मुकेश अंबानी यांच्या घराबाहेर आढळलेली स्फोटके आणि स्कॉर्पिओ कारच्या मालकाचा झालेला संशयास्पद मृत्यू या सगळ्याचा तपास एटीएसकडे सोपवण्याचा निर्णय झाला आहे, असे देशमुख यांनी यावेळी जाहीर केले.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
