पोलिसांनी दिलेल्या माहितीनुसार, लक्ष्मण मलिक यांचा कुटुंबातील सदस्यांसोबत वाद सुरू आहे. त्यामुळे ते त्यांचे मित्र धर्मरक्षित सरोदे यांच्या रजत संकुलमधील हर्बल हेल्थ केअरच्या कार्यालयातच राहायचे. सोमवारी रात्री नेहमीप्रमाणे कर्मचारी घरी गेले. लक्ष्मण एकटेच होते. मारेकरी फ्लॅटमध्ये घुसला. खुर्चीला त्यांचे हात बांधले. धारदार शस्त्राने गळा चिरून लक्ष्मण यांचा खून केला. मंगळवारी सकाळी १०.३० वाजताच्या सुमारास नेहमी प्रमाणे कर्मचारी तेथे आला. त्याला लक्ष्मण हे रक्ताच्या थारोळ्यात पडलेले दिसले. त्याने पोलिसांना माहिती दिली.
या घटनेची माहिती मिळताच अतिरिक्त पोलीस आयुक्त नवीनचंद्र रेड्डी, पोलीस उपायुक्त लोहित मतानी, गणेशपेठ पोलीस ठाण्याचे वरिष्ठ पोलिस निरीक्षक भारत क्षीरसागर यांच्यासह पोलिसांचा ताफा तेथे पोहोचला. पंचनामा करून पोलिसांनी मृतदेह हॉस्पिटलमध्ये पाठवला. गणेशपेठ पोलिसांनी खुनाचा गुन्हा दाखल करून मारेकऱ्यांचा शोध सुरू केला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
