जळगाव शहरातील मंगळवारी मनपाचा अभियांत्रिकी महाविद्यालयातील कोवीड केअर सेंटर मधून घेण्यासाठी एक बाधित रुग्ण बाहेर पडून फिरत असल्याचा धक्कादायक प्रकार समोर आला आहे. या प्रकाराची माहिती मिळताच महापौर भारती सोनवणे यांनी केअर सेंटर मध्ये जाऊन मनपाच्या यंत्रणेला व सुरक्षारक्षकांना चांगलेच धारेवर धरत याबाबत खुलासा सादर करण्याचे आदेश दिले आहेत. तसेच संबंधित रुग्णावर गुन्हा दाखल करण्याच्या सूचना देखील महापौरांनी दिल्या आहेत. (a covid patient fled from the kovid care center to take )
महापालिकेच्या कोविड सेंटरमध्ये देखील रुग्ण संख्या वाढत आहे. मंगळवारी दुपारी एक वाजता केअर सेंटर मधील क्रमांक दोन मधील एक रुग्ण मनपाची सुरक्षा यंत्रणा भेदत बाहेर गेल्याचा प्रकार समोर आला. याबाबत मनपा प्रशासनाचा कर्मचाऱ्यांनी माहिती घेतल्यानतंर संबंधित रुग्ण तंबाखू घेण्यासाठी बाहेर पडला असल्याची धक्कादायक माहिती समोर आली. काही मनपा कर्मचाऱ्यांनी अभियांत्रिकी महाविद्यालयाच्या परिसरात पाहणी देखील केली मात्र हा रुग्ण आढळून आला नाही. याबाबत महापौर भारती सोनवणे यांना माहिती मिळाल्यानंतर लागलीच महापौरांनी अभियांत्रिकी महाविद्यालयात भेट दिली.
महापौरांकडून आरोग्य यंत्रणा धारेवर
संबंधित रुग्ण अभियांत्रिकी महाविद्यालयाच्या कोविड केअर सेंटरमधून बाहेर कसा गेला? याबाबतचा खुलासा महापौरांनी मनपा कर्मचाऱ्यांकडून मागवला. महापौरांनी थेट संबंधित रुग्णाच्या रूम पर्यंत जाऊन इतरांकडून माहिती घेतली. गेल्या तीन दिवसांपासून हा रुग्ण भरती झाला होता. तसेच त्याला सौम्य लक्षणे आढळून आली होती. केअर सेंटर मधील काही रुग्णांनी दिलेल्या माहितीनुसार हा रुग्ण अनेक वेळा इतर रुग्णांसाठी देखील काही वस्तू व काही पदार्थ घेण्यासाठी अनेक वेळा बाहेर गेल्याची धक्कादायक माहिती मिळाली.
क्लिक करा आणि वाचा-
चार तास शोध घेतल्यानंतर देखील संबंधित रुग्ण आढळून न आल्याने महापौरांनी संबंधित रुग्णावर गुन्हे दाखल करण्याचे आदेश वैद्यकीय विभागाला दिले आहेत. दरम्यान, काही रुग्णांनी दिलेल्या माहितीनुसार मनपाकडून कारवाई होईल या भीतीने देखील हा रुग्ण काही काळ बाहेर लपून बसला असल्याची शक्यता वर्तवली आहे.
क्लिक करा आणि वाचा- क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
