विश्वास नांगरे पाटील यांनी घेतली शरद पवार यांची भेट; चर्चेला उधाण

मुंबईः गेल्या काही दिवसांपासून राज्यात पूजा चव्हाण कथित आत्महत्या (Pooja chavan Death Case), मनसुख हिरन मृत्यू प्रकरण ( Death Case) आणि मोहन डेलकर आत्महत्या (Mohan Delkar Suicide Case) प्रकरणांवरून विरोधकांनी महाविकास आघाडी सरकारला घेरले आहे. पूजा चव्हाण प्रकरणात वनमंत्री संजय राठोड (Sanjay Rathod) यांना राजीनामा द्यावा लागला असून मनसुख हिरन प्रकरणात पोलिस अधिकारी सचिन वाझे (Sachin Vaze) यांचा राजीनामा मागितला जात आहे. राज्यात ही परिस्थिती असताना मुंबई पोलीस दलाच्या कायदा आणि सुव्यवस्था विभागाचे सहआयुक्त विश्वास नांगरे पाटल यांनी राष्ट्रवादी काँग्रेस पक्षाचे अध्यक्ष यांची भेट घेतली. या भेटीमुळे राजकीय वर्तुळात चर्चा सुरू झाली आहे. (joint commissioner of police meets ncp leader )

शरद पवार आणि यांच्या भेटीबाबत सूत्रांनी दिलेल्या माहितीनुसार, या दोघांची राज्यातील कायदा आणि सुव्यवस्थेसंदर्भात चर्चा झाली. त्याच प्रमाणे डेलकर, मनसुख हिरन आणि वाझे प्रकरणावर देखील या भेटीत चर्चा झाल्याचे सूत्रांनी सांगितले. त्याच प्रमाणे प्रसिद्ध उद्योगपती मुकेश अंबानी याच्या घराबाहेर स्फोटके भरलेली कार पार्क करण्यात आली होती. या प्रकरणावर देखील दोघांची चर्चा झाल्याचे सूत्रांचे म्हणणे आहे. नांगरे पाटील हे पवार यांना त्यांच्या सिल्व्हर ओक या निवासस्थानी भेटले. दोघांमध्ये सुमारे अर्धा तास चर्चा झाल्याचे समजते.

मुकेश अंबानी यांच्या निवासस्थानी स्फोटके भरलेली कार सापडणे आणि त्यानंतर मनसुख हिरन यांचा मृत्यू होणे आणि त्यात पोलिस अधिकारी सचिन वाझे यांच्यावर आरोप होणे यामुळे हे प्रकरण अधिक गुंतागुंतीचे झाले आहे. सचिन वाझे यांचा या प्रकरणाशी कशा प्रकारचा संबंध आहे यावर पवार आणि नांगरे पाटील यांच्यात चर्चा झाल्याचे सूत्रांनी सांगितले.

क्लिक करा आणि वाचा-

या भेटीत पवार यांनी डेलकर आत्महत्या प्रकरणाची चर्चा केली असावी असेही बोलले जात आहे. शरद पवार हे मुख्यमंत्री उद्धव ठाकरे यांचीही भेट घेणार असल्याचे समजते.

क्लिक करा आणि वाचा- क्लिक करा आणि वाचा-